அலத்தகப் பஞ்சு அடுத்த - செம்பஞ்சுக் குழம்பு பூசப்பெற்ற;
பரிபுர -சிலம்பு அணிந்த; பல்லவ - தளிரனைய பாதங்களையும்; நஞ்சு
அடுத்த - விடம்தீட்டப்பெற்ற; நயனியர் - கண்களையும் உடைய
அரம்பையர்; அஞ்சு அடுத்த அமளி - ஐந்துபொருள்களை உள்ளடக்கிய
மெத்தையின் மேல்;  நல்வியின் துஞ்ச - பெண்மான்கள் போல(அருகில்)
உறங்க; அத்தனை மைந்தரும் - (பரதனுடன் வந்து) எல்லா இளைஞரும்;
துஞ்சினார் - தூங்கினார்கள்.

     அமுதூட்டியபின் அம்மகளிர் படுத்துக்கிடக்க மைந்தரும் தூங்கினார்
என்க.  நயனியர் துஞ்சஎன்றது ஈண்டுப் போகத்தின்பின் நிகழும் அவச
உறக்கமாகும் என்பது குறிப்பு. அஞ்சு - ஐந்துஎன்பதன் வழக்குச்
சொல்லாகிய போலி. அஞ்சு அடுத்த அமளி - அன்னத்தூவி, இலவம் பஞ்சு,
செம்பஞ்சு,  மயில்தூவி வெண்பஞ்சு என்னும் ஐந்து  பொருள்களாற்
செய்யப்பெற்ற மெத்தை.இதனைச் “சிறு பூளை செம்பஞ்சு வெண்பஞ்சு
சேணம்,  உறுதூவி சேக்கையோரைந்து” என்பதனான் அறிக.‘ஐந்து மூன்று
அடுத்த செல்வத்து அமளி” (சிந்தா. நச். உரை. 838.) அஞ்சு அடுத்த
அமளி - பஞ்சசயனம் ஆம். “மெத்தென்ற பஞ்ச சயனத்தின் மேல் ஏறி”
(திவ்ய. திருப்பாவை 491) என்பதன்உரையுள் பஞ்ச சயனமாவது, அழகு,
குளிர்ச்சி, மிருது, மணம், வெண்மை ஆக இவை; அஞ்சு உருவிட்டுச்செய்த
படுக்கை என்றுமாம் என்ற பெரியவாச்சான்பிள்ளை உரையை ஈண்டுக்
கருதுதல் நலம் தரும்அலத்தகம் - செம்மை. அலத்தகப் பஞ்சு எனலின்
செம்பஞ்சாம். நஞ்சு அடுத்த - விடத்தை ஒத்தஎன்றுமாம்.             11