சீனர் சாவகர் சிங்களர் குலிங்கர் மாளவர் களமர் ஓட்டியர் குகுரர் கொப்பளர்
கூபகர்- இந்நாட்டுவீரர்கள், புலிங்க சாலம்என - தீப்பொறிகளின் கூட்டம்போல,
சதாகதி புதல்வனோடு -வாயுபுத்திரனான வீமனுடன், உறு போர் செய்தார் -
மிக்கபோரைச்செய்தார்கள்; (எ - று.)

     போசம்என்பதுதவிரப் போசலமென்று ஒருதேசம் கூறப்படுதல்போல, கொப்ப
மென்பது தவிரக் கொப்பளமென்பது ஒருநாடு போலும். இப்பாட்டில் முதல்மூன்று
அடிகள் - அடைமொழியின்றிவந்தது ஒர் அழகாம்.                   (174)

37.-வீமனுடன்வந்த பலமன்னர் சக்கரவியூகத்திலிருந்த
வீரர்களை வெட்டுதல்.

     (இ-ள்.) பொருத - (எதிர்த்துப்) போர்செய்த, பல்பலபாடை மன்னவர் -
(துரியோதனன்சேனையிலுள்ள) பலபல பாஷைகளைப் பேசும் அரசர்கள், பொன்
நிலம் குடிபுகுத- பொன்னுலகமான தேவலோகத்திலுள்ள வீரசுவர்க்கத்திற்
குடியேறும்படி, - விருதன் வித்தகனுடன் வரும் பல பாடை மன்னவர் - வீரனும்
அறிவுடையவனுமான வீமனுடன்வந்த அநேகபாஷைபேசும் (பலதேசத்து) அரசர்கள்,
வெட்டினார் - துணித்தார்கள்; (துணிக்கவே), நேமியுள்படும் நிருபர் -
சக்கரவியூகத்திற் பொருந்திய (துரியோதனனைச் சார்ந்த) அரசர்கள்,- ஒரு திறந்த
வலிமுகங்கள் உறுக்கி ஓடி உடன்ற நாள் - ஓரேவிதத் தன்மையுடையனவான
(இராமனுடன் சென்ற) குரங்குகள் சினங்கொண்டு ஓடிப்போர் செய்த காலத்தில்,
நிருதர் பட்டது-அரக்கர்கள் அடைந்த துன்பத்தை, பட்டு-(தாம்) அடைந்து,
இறந்தனர்-; (எ -  று.)

     வலீமுகம் - வடசொல்: தோற்சுருக்கங்கொண்ட முகமுள்ளதென்று
காரணப்பெயர். பி- ம்: ஒருதலத்து. ஒருதிறத்து, வலீமுகங்கொடு, சிலீமுகங்கள்.
                                                            (175)

38.-வீமன் தண்டுகொண்டு சக்கரவியூகத்தைப் பிளத்தலைத்
துரியோதனன் காணுதல்.

     (இ-ள்.) மருத்தின் மைந்தன் - வாயுபுத்திரனான வீமன்,- மண்டு கொண்டலின்-
நெருங்கிய காளமேகம்போல, மிக அதிர்ந்து, மிகுதியாக ஆரவாரித்து, உருத்து-
கோபித்து, எழும் தண்டு கொண்டு - உயர்ந்த (தனது) கதாயுதத்தால், வியூகம் ஆகிய
சக்கரத்தை உடைத்தலால் - சக்கரவியூகத்தை உடைத்ததனால், வெம்