(இ -ள்.) பாதி மெய் - பாதிவடிவம் [இடப்பக்கம்], நீலம் ஆகிய -
நீலநிறமடைந்துள்ள, பவளம் பருப்பதம் - பவளமயமான மலை போன்ற
சிவபிரான், விருப்புடன் அளித்த - அன்போடு தந்தருளிய, ஏதி -
ஆயுதத்தை,பெற்று - பெற்றுக்கொண்டு, (அசுவத்தாமன்), உவகையுடன் -
மகிழ்ச்சியுடனே,இமைப்பு அளவின் - ஒருமாத்திரைப்பொழுதிலே, இருந்த
அ வீரரும் தானும் -தன்வரவை எதிர்பார்த்து இருந்த அந்த வீரர்களான
கிருபனும் கிருதவர்மாவும்தானுமாக, வீதி கொள் பாடி வீடு உற -
நெடுந்தெருக்களைக்கொண்டபடைவீட்டை மீண்டும்சேர, - பூதம் - (அங்குக்
காவலாய் நின்ற) பூதம்,மீளவந்து அடர்த்து - மறுபடிவந்து போர் செய்து,
இவன் கரத்தில் ஆதிநல்கிய வெம் படையினால் அஞ்சி - இவன் கையில்
தலைவனான சிவபிரான்கொடுத்துள்ள கொடிய ஆயுதத்தைக் கண்டு
அதனாற் பயந்து, ஆவிகொண்டுஓடியது - அரிதில் உயிர்பிழைத்து
ஓடிப்போயிற்று; (எ - று.) - அன்றே-ஈற்றசை.

    சிவபிரானது அர்த்தநாரீசுவரவடிவத்திற் பார்வதீரூபமான இடப்பக்கம்
நீலநிறமாயிருக்க, சிவரூபமான வலப்பக்கம்மாத்திரமே தனக்குரிய
செந்நிறத்தோடு இருத்தலாலும், கம்பீரமான தோற்றமும்பற்றி, 'பாதிமெய்
நீலமாகிய பவளப்பருப்பதம்' என்றார்; சிவபிரானை 'பருப்பதம்' என்றது -
உவமவாகுபெயர்.  சிவபிரான் பூதநாதனாதலால், அவன் படைக்கலத்துக்குப்
பூதம் அஞ்சிற்று; இத்தன்மையை 'ஆதி' என்ற சொல்லின் குறிப்பினாற்
புலப்படுத்தினார்.  ஓடிச்செல்லாமல் உறுதிகொண்டு முன்னே நின்று பொருதால்,உயிர் அழிந்திடும்; அங்ஙனமன்றி உயிர்தப்பியோடிய தன்மை
விளங்க,'ஆவிகொண்டோடியது' என்றது.                      (212)

9.-அசுவத்தாமன்படைவீட்டினுள் திட்டத்துய்மனைத்
தலைதுணித்தல்.

     (இ -ள்.) பருவரல் அகற்றி - (பூதத்தின் தடையினாலாகிய துன்பத்தை
(இவ்வாறு) நீக்கி,- இருவர் வீரரையும் - (கிருபன் கிருதன் என்ற) இரண்டு
வீரர்களையும், பாசறை வாயிலில் நிறுத்தி - அப்படைவீட்டின் வாயிலிலே
நிற்கவைத்து,- மரு வரும் கமல மாலையான் - வாசனை பொருந்திய
தாமரைமலர்மாலையையுடைய  அசுவத்தாமன், கடப்பம் மாலையான் என -
கடப்பம்பூமாலையையுடைய முருகக்கடவுள்போல, மனம் களித்து - மனத்தில்
உற்சாகங்கொண்டு, (படைவீட்டினுள்ளே தான் சென்று),- பொருவருமுனைக்கு
குரிசில் ஆய் - எதிர்த்துப் போர்செய்து வந்த பகைவர் சேனைக்குத்
தலைவனாய், எல்லாப் போரினும் புறம் இடாது அடர்த்த-பதினெட்டு
நாட்போர்களிலும் முதுகுகொடாமல் நெருக்கிப்போர் செய்துவந்த, துருபதன்
மதலை - துருபதராசனது குமாரனாகிய,