3828.	இயலுளோர் தொழுதெழு மின்னம்பர் மேவிய
	அயனுமா லறிவரி யீரே அயனுமா லறிவரி யீரும தடிதொழும் இயலுளார் மறுபிறப் பிலரே.                 9

3829.	ஏரமர் பொழிலணி யின்னம்பர் மேவிய
	தேரமண் சிதைவுசெய் தீரே தேரமண் சிதைவுசெய் தீருமைச் சேர்பவர் ஆர்துய ரருவினை யிலரே.                 10

எனும் பதினொன்றாந் திருமுறையாலறிக.

     8. பொ-ரை: போற்றுதற்கு அரிய புகழுடைய அழகிய திருஇன்னம்பர்
என்னும் திருத்தலத்தில் விருமபி வீற்றிருந்தருளுபவரும், தூர்த்தனான
இராவணனை அடர்த்தவருமான சிவபெருமானே! தூர்த்தனான இராவணனை
அடர்த்த உம்மைத் தொழுபவர் பேரறிவும், நற்குணம் உடையவராவர்.

     கு-ரை: ஏத்த அரும் - துதித்தற்கரிய, புகழ். துர்த்தன் - பரதார
விருப்பினனாகிய இராவணன், தொலைவு செய்தீர் - வலிமையழியச் செய்தீர்,
கூர்த்த - மிகுந்த, நற்குணம் - சத்துவகுணம்.

     9. பொ-ரை: நல்லியல்புடையோர் தொழுது எழுகின்ற திருஇன்னம்பர்
என்னும் திருத்தலத்தில் விரும்பி வீற்றிருந்தருளும் சிவபெருமானே! பிரமனும்,
திருமாலும் அறிவதற்கரிய உம் திருவடிகளைத் தொழும் இயல்பு
உடையவர்கட்கு மறுபிறப்பு இல்லை.

     கு-ரை: இயல்உளர் - சமய விசேடாதி தீக்கை பெற்ற தகுதியுடைய
அடியார், மறுபிறப்பு இலர் ஆவர்.

     10. பொ-ரை: ஏர் எனப்படும் திருத்தலத்திற்கு அருகிலுள்ள