போற்றுதிரு வாமூரில் வேளாண் தொன்மைப்     பொருவில்கொறுக் கையதிபர் புகழ் னார்பால் மாற்றருமன் பினில்திலக வதியாம் மாது     வந்துதித்த பின்புமருள் நீக்கி யாரும் தோற்றியமண் சமயம்உறு துயரம் நீங்கத்     துணைவரருள் தரவந்த சூலை நோயால் பாற்றருநீள் இடரெய்திப் பாடலிபுத் திரத்தில்     பாழியொழித் தரனதிகைப் பதியில் வந்தார். வந்துதமக் கையர்அருளால் நீறு சாத்தி     வண்தமிழால் நோய்தீர்ந்து வாக்கின் மன்னாய் வெந்தபொடி விடம்வேழம் வேலை நீந்தி     வியன்சூலம் கொடியிடபம் விளங்கச் சாத்தி அந்தமில்அப் பூதிமகன் அரவு மாற்றி     அருட்காசு பெற்றுமறை அடைப்பு நீக்கிப் புந்திமகிழ்ந் தையாற்றில் கயிலை கண்டு     பூம்புகலூர் அரன்பாதம் பொருந்தி னாரே.

-உமாபதி சிவம்.