தொடக்கம்
2.26 திருநெல்வாயில் - இந்தளம்
	1742. புடையின் ஆர் புள்ளி கால் பொருந்திய மடையின் ஆர் மணிநீர் நெல்வாயிலார், நடையின் நால்விரல்கோவணம் நயந்த உடையினார், எமது உச்சியாரே. 1	உரை
	1743. வாங்கினார் மதில்மேல் கணை, வெள்ளம் தாங்கினார், தலைஆய தன்மையர் நீங்கு நீர நெல்வாயிலார்; தொழ ஓங்கினார், எமது உச்சியாரே. 2	உரை
	1744. நிச்சல் ஏத்தும் நெல்வாயிலார், தொழ இச்சையால் உறைவார்; எம் ஈசனார்; கச்சை ஆவது ஓர் பாம்பினார்; கவின் இச்சையார்; எமது உச்சியாரே. 3	உரை
	1745. மறையினார், மழுவாளினார், மல்கு பிறையினார், பிறையோடு இலங்கிய நிறையினார் அ நெல்வாயிலார்; தொழும் இறைவனார், எமது உச்சியாரே. 4	உரை
	1746. விருத்தன் ஆகி வெண்நீறு பூசிய கருத்தனார், கனல் ஆட்டு உகந்தவர், நிருத்தனார் அ நெல்வாயில் மேவிய ஒருத்தனார், எமது உச்சியாரே. 5	உரை
	1747. காரின் ஆர் கொன்றைக்கண்ணியார், மல்கு பேரினார், பிறையோடு இலங்கிய நீரினார் அ நெல்வாயிலார்; தொழும் ஏரினார், எமது உச்சியாரே. 6	உரை
	1748. ஆதியார், அந்தம் ஆயினார், வினை கோதியார், மதில் கூட்டுஅழித்தவர், நீதியார் அ நெல்வாயிலார்; மறை ஓதியார், எமது உச்சியாரே. 7	உரை
	1749. பற்றினான் அரக்கன் கயிலையை ஒற்றினார், ஒருகால்விரல் உற, நெற்றி ஆர நெல்வாயிலார்; தொழும் பெற்றியார், எமது உச்சியாரே. 8	உரை
	1750. நாடினார் மணிவண்ணன், நான்முகன், கூடினார் குறுகாத கொள்கையா நீடினார் அ நெல்வாயிலார்; தலை ஓடினார், எமது உச்சியாரே. 9	உரை
	1751. குண்டுஅமண், துவர்க்கூறை மூடர், சொல் பண்டம் ஆக வையாத பண்பினர் விண் தயங்கு நெல்வாயிலார்; நஞ்சை உண்ட கண்டர், எம் உச்சியாரே. 10	உரை
	1752. நெண்பு அயங்கு நெல்வாயில் ஈசனைச் சண்பை ஞானசம்பந்தன் சொல் இவை, பண் பயன்கொளப் பாட வல்லவர், விண் பயன்கொளும் வேட்கையாளரே. 11	உரை