3181.	சந்தமா ரகிலொடு சாதிதேக் கம்மரம்
	உந்துமா முகலியின் கரையினி லுமையொடும் மந்தமார் பொழில்வளர் மல்குவண் காளத்தி எந்தையா ரிணையடி யென்மனத் துள்ளவே.     1

     1. பொ-ரை: சந்தனம், அகில், சாதிக்காய், தேக்கு ஆகிய
மரங்களை அலைகளால் உந்தித் தள்ளிவரும் சிறப்பான பொன்முகலி
என்னும் ஆற்றின் கரையில், தென்றல் காற்றும் வீசும் சோலைகள்
வளர்ந்து பெருக, வள்ளல் தன்மையுடைய எம் தந்தையாகிய
காளத்திநாதர் உமாதேவியோடு, அவருடைய திருவடிகள் எம்
மனத்தில் பதியுமாறு வீற்றிருந்தருளுகின்றார்.

     கு-ரை: சந்தம் - சந்தனமரம். ஆர் - ஆத்தி. சாதி -
சாதிக்காய் மரம்.

     உந்தும் - அலையால் தள்ளி வரும். மந்தம் - தென்றல்
காற்று. மல்குவளன் - வளம் மிகுந்த; காளத்தி.