3338.	நீற்றர் தண்டலை நீணெறி நாதனைத்
	தோற்று மேன்மையர் தோணி புரத்திறை சாற்று ஞானசம் பந்தன் றமிழ்வலார் மாற்றில் செல்வர் மறப்பர் பிறப்பையே.      11

     11. பொ-ரை: திருநீறு அணியப்பெற்ற அடியவர்கள் வாழும்
திருத்தண்டலை நீணெறியில் வீற்றிருக்கும் நாதனை, அத்தகைய
திருநீற்றின் மேன்மை விளங்கும் தோணிபுரத்தில் வீற்றிருந்தருளும்
ஞானசம்பந்தன் அருளிய இத்திருப்பதிகத்தை ஓதவல்லவர்கள்
நிலைத்த செல்வத்தை உடையவர்களாய்ப் பிறவிப்பிணி நீங்கப்
பெற்றவராவர்.

     கு-ரை: நீற்றர் - திருநீறணிந்த அடியார்கள் வாழும் தண்டலை
நீணெறி. தோற்றம் - (விளங்கித்) தோன்றுகின்ற. (மேன்மையர்)
தோணிபுரம் என்பதற்கும் இவ்வாறே உரைக்க. மாற்றில் - மாறுதல்
இல்லாத (செல்வர்) - வந்து அழிந்து மாறும் பிற செல்வங்கள் அல்ல.
மாற்று - முதனிலை திரிந்த தொழிற்பெயர். மறப்பர் பிறப்பை -
இனிப்பிறவார் என்பது கருத்து.