தொடக்கம்
13. திருப்பூந்தராய் - காந்தாரபஞ்சமம்
	2932. மின் அன எயிறு உடை விரவலோர்கள் தம் துன்னிய புரம் உகச் சுளிந்த தொன்மையர் புன்னை அம்பொழில் அணி பூந்தராய் நகர் அன்ன அன்ன(ந்) நடை அரிவை பங்கரே.     1	உரை
	2933. மூதணி முப்புரத்து எண்ணிலோர்களை வேது அணி சரத்தினால், வீட்டினார் அவர் போது அணி பொழில் அமர் பூந்தராய் நகர் தாது அணி குழல் உமை தலைவர்; காண்மினே!     2	உரை
	2934. தருக்கிய திரிபுரத்தவர்கள் தாம் உக, பெருக்கிய சிலைதனைப் பிடித்த பெற்றியர் பொரு(க்) கடல் புடை தரு பூந்தராய் நகர் கரு(க்)கிய குழல் உமை கணவர்; காண்மினே!     3	உரை
	2935. நாகமும் வரையுமே நாணும் வில்லுமா, மாகம் ஆர் புரங்களை மறித்த மாண்பினர் பூகம் ஆர் பொழில் அணி பூந்தராய் நகர் பாகு அமர் பொழி உமை பங்கர்; காண்மினே!      4	உரை
	2936. வெள் எயிறு உடைய அவ் விரவலார்கள் ஊர் ஒள் எரியூட்டிய ஒருவனார் ஒளிர் புள் அணி புறவினில் பூந்தராய் நகர் கள் அணி குழல் உமை கணவர்; காண்மினே!     5	உரை
	2937. துங்கு இயல் தானவர் தோற்றம் மா நகர் அங்கியில் வீழ்தர ஆய்ந்த அம்பினர் பொங்கிய கடல் அணி பூந்தராய் நகர் அம் கயல் அன கணி அரிவை பங்கரே.     6	உரை
	2938. அண்டர்கள் உய்ந்திட, அவுணர் மாய்தரக் கண்டவர்; கடல்விடம் உண்ட கண்டனார் புண்டரீக(வ்) வயல் பூந்தராய் நகர் வண்டு அமர் குழலிதன் மணாளர்; காண்மினே!     7	உரை
	2939. மா சின அரக்கனை வரையின் வாட்டிய, காய் சின எயில்களைக் கறுத்த கண்டனார் பூசுரர் பொலி தரு பூந்தராய் நகர் காசை செய் குழல் உமை கணவர்; காண்மினே!     8	உரை
	2940. தாம் முகம் ஆக்கிய அசுரர்தம் பதி வேம் முகம் ஆக்கிய விகிர்தர் கண்ணனும், பூமகன், அறிகிலா பூந்தராய் நகர்க் கோமகன், எழில் பெறும் அரிவை கூறரே.     9	உரை
	2941. முத்தர அசுரர்கள் மொய்த்த முப்புரம் அத் தகும் அழல் இடை வீட்டினார் அமண் புத்தரும் அறிவு ஒணாப் பூந்தராய் நகர் கொத்து அணி குழல் உமை கூறர்; காண்மினே!     10	உரை
	2942. புரம் எரி செய்தவர், பூந்தராய் நகர்ப் பரம் மலி குழல் உமை நங்கை பங்கரைப் பரவிய பந்தன் மெய்ப் பாடல் வல்லவர் சிரம் மலி சிவகதி சேர்தல் திண்ணமே.     11	உரை