தொடக்கம்
17. திருவிசயமங்கை - காந்தாரபஞ்சமம்
	2976. மரு அமர் குழல் உமை பங்கர், வார்சடை அரவு அமர் கொள்கை எம் அடிகள், கோயில் ஆம் குரவு, அமர் சுரபுனை, கோங்கு, வேங்கைகள் விரவிய பொழில் அணி விசயமங்கையே.     1	உரை
	2977. கீதம் முன் இசைதரக் கிளரும் வீணையர் பூதம் முன் இயல்பு உடைப் புனிதர், பொன் நகர் கோதனம் வழிபட, குலவு நால்மறை வேதியர் தொழுது எழு விசயமங்கையே.     2	உரை
	2978. அக்கு அரவு அரையினர், அரிவை பாகமாத் தொக்க நல் விடை உடைச் சோதி, தொல்-நகர் தக்க நல் வானவர், தலைவர், நாள்தொறும் மிக்கவர், தொழுது எழு விசயமங்கையே.     3	உரை
	2979. தொடை மலி இதழியும் துன் எருக்கொடு புடை மலி சடை முடி அடிகள் பொன் நகர் படை மலி மழுவினர், பைங்கண் மூரி வெள் விடை மலி கொடி அணல், விசயமங்கையே.     4	உரை
	2980. தோடு அமர் காதினன், துதைந்த நீற்றினன், ஏடு அமர் கோதையோடு இனிது அமர்வு இடம் காடு அமர் மா கரி கதறப் போர்த்தது ஓர் வேடம் அது உடை அணல் விசயமங்கையே.     5	உரை
	2981. மைப் புரை கண் உமை பங்கன், வண் தழல் ஒப்பு உரை மேனி எம் உடையவன், நகர் அப்பொடு மலர்கொடு அங்கு இறைஞ்சி, வானவர் மெய்ப்பட அருள்புரி விசயமங்கையே.     6	உரை
	2982. இரும் பொனின் மலைவிலின், எரிசரத்தினால், வரும் புரங்களைப் பொடிசெய்த மைந்தன் ஊர் சுரும்பு அமர் கொன்றையும், தூய மத்தமும், விரும்பிய சடை அணல் விசயமங்கையே.     7	உரை
	2983. உளங்கையில், இருபதோடு ஒருபதும் கொடு, ஆங்கு அளந்து அரும் வரை எடுத்திடும் அரக்கனை, தளர்ந்து உடல் நெரிதர, அடர்த்த தன்மையன் விளங்கிழையொடும் புகும், விசயமங்கையே.     8	உரை
	2984. மண்ணினை உண்டவன் மலரின்மேல் உறை அண்ணல்கள் தமக்கு அளப்பு அரிய அத்தன் ஊர் தண் நறுஞ்சாந்தமும் பூவும் நீர்கொடு விண்ணவர் தொழுது எழு விசயமங்கையே.     9	உரை
	2985. கஞ்சியும் கவளம் உண் கவணர் கட்டுரை நஞ்சினும் கொடியன; நமர்கள் தேர்கிலார் செஞ்சடைமுடி உடைத் தேவன் நன்நகர் விஞ்சையர் தொழுது எழு விசயமங்கையே.     10	உரை
	2986. விண்ணவர் தொழுது எழு விசயமங்கையை, நண்ணிய புகலியுள் ஞானசம்பந்தன், பண்ணிய செந்தமிழ் பத்தும் வல்லவர் புண்ணியர்; சிவகதி புகுதல் திண்ணமே.     11	உரை