தொடக்கம்
40. பொது - தனித் திருஇருக்குக்குறள் - கொல்லி
	3222. கல்லால் நீழல் அல்லாத் தேவை நல்லார் பேணார்; அல்லோம், நாமே.     1	உரை
	3223. கொன்றை சூடி நின்ற தேவை அன்றி, ஒன்றும் நன்று இலோமே.     2	உரை
	3224. கல்லா நெஞ்சின் நில்லான் ஈசன்; சொல்லாதாரோடு அல்லோம், நாமே.     3	உரை
	3225. கூற்று உதைத்த நீற்றினானைப் போற்றுவார்கள் தோற்றினாரே.     4	உரை
	3226. காட்டுள் ஆடும் பாட்டு உளானை நாட்டு உளாரும் தேட்டு உளாரே.     5	உரை
	3227. தக்கன் வேள்விப் பொக்கம் தீர்த்த மிக்க தேவர் பக்கத்தோமே.     6	உரை
	3228. பெண் ஆண் ஆய விண்ணோர்கோவை நண்ணாதாரை எண்ணோம், நாமே.     7	உரை
	3229. தூர்த்தன் வீரம் தீர்த்த கோவை, ஆத்தம் ஆக, ஏத்தினோமே.     8	உரை
	3230. பூவினானும், தாவினானும், நாவினாலும் ஓவினாரே.     9	உரை
	3231. மொட்டு அமணர், கட்டர்தேரர், பிட்டர் சொல்லை விட்டு உளோமே.     10	உரை
	3232. அம் தண் காழிப் பந்தன் சொல்லைச் சிந்தை செய்வோர் உய்ந்து உளோரே.     11	உரை