தொடக்கம்
42. திருச்சிற்றேமம் - கொல்லிக்கௌவாணம்
	3244. நிறை வெண் திங்கள் வாள்முக மாதர் பாட, நீள்சடைக் குறை வெண் திங்கள் சூடி, ஓர் ஆடல் மேய கொள்கையான்- சிறைவண்டு யாழ்செய் பைம்பொழில் பழனம் சூழ்                                             சிற்றேமத்தான்; “இறைவன்!” என்றே உலகு எலாம் ஏத்த நின்ற பெருமானே. 1	உரை
	3245. மாகத்திங்கள் வாள்முக மாதர் பாட, வார்சடைப் பாகத்திங்கள் சூடி, ஓர் ஆடல் மேய பண்டங்கன்- மேகத்து ஆடு சோலை சூழ் மிடை சிற்றேமம் மேவினான்; ஆகத்து ஏர் கொள் ஆமையைப் பூண்ட அண்ணல்                                                   அல்லனே!     2	உரை
	3246. நெடு வெண் திங்கள் வாள் முக மாதர் பாட, நீள் சடைக் கொடு வெண்திங்கள் சூடி, ஓர் ஆடல் மேய கொள்கையான்- படு வண்டு யாழ்செய் பைம்பொழில் பழனம் சூழ் சிற்றேமத்தான்; கடுவெங்கூற்றைக் காலினால் காய்ந்த கடவுள் அல்லனே!   3	உரை
	3247. கதிர் ஆர் திங்கள் வாள் முக மாதர் பாட, கண்ணுதல், முதிர் ஆர் திங்கள் சூடி, ஓர் ஆடல் மேய முக்கணன்- எதிர் ஆர் புனல் அம் புன்சடை எழில் ஆரும் சிற்றேமத்தான்; அதிர் ஆர் பைங்கண் ஏறு உடை ஆதிமூர்த்தி அல்லனே!  4	உரை
	3248. வான் ஆர் திங்கள் வாள்முக மாதர் பாட, வார்சடைக் கூன் ஆர் திங்கள் சூடி, ஒர் ஆடல் மேய கொள்கையான்- தேன் ஆர் வண்டு பண்செயும் திரு ஆரும் சிற்றேமத்தான்; மான் ஆர் விழி நல் மாதொடும் மகிழ்ந்த மைந்தன்                                                  அல்லனே!      5	உரை
	3249. பனி வெண்திங்கள் வாள்முக மாதர் பாட, பல்சடைக் குனி வெண்திங்கள் சூடி, ஓர் ஆடல் மேய கொள்கையான், தனி வெள்விடையன்-புள் இனத் தாமம் சூழ் சிற்றேமத்தான்; முனிவும் மூப்பும் நீங்கிய முக்கண் மூர்த்தி அல்லனே!     6	உரை
	3250. கிளரும் திங்கள் வாள்முக மாதர் பாட, கேடு இலா வளரும் திங்கள் சூடி, ஓர் ஆடல் மேய மா தவன்- தளிரும் கொம்பும் மதுவும் ஆர் தாமம் சூழ் சிற்றேமத்தான்; ஒளிரும் வெண் நூல் மார்பன் என் உள்ளத்து உள்ளான்                                                       அல்லனே!    7	உரை
	3251. சூழ்ந்த திங்கள் வாள்முக மாதர் பாட, சூழ்சடைப் போழ்ந்த திங்கள் சூடி, ஓர் ஆடல் மேய புண்ணியன்- தாழ்ந்த வயல் சிற்றேமத்தான்; தடவரையைத் தன் தாளினால் ஆழ்ந்த அரக்கன் ஒல்க, அன்று அடர்த்த அண்ணல்                                                    அல்லனே!     8	உரை
	3252. இதன் மூலம் பாடல் கொடுக்கப்படவில்லை.	உரை
	3253. இதன் மூலம் பாடல் கொடுக்கப்படவில்லை.	உரை
	3254. இதன் மூலம் பாடல் கொடுக்கப்படவில்லை.	உரை