தொடக்கம்
50. திருத் தண்டலை நீணெறி - கௌசிகம்
	3331. விரும்பும் திங்களும் கங்கையும் விம்மவே, சுரும்பும் தும்பியும் சூழ் சடையார்க்கு இடம் கரும்பும் செந்நெலும் காய் கமுகின் வளம் நெருங்கும் தண்டலை நீணெறி; காண்மினே!     1	உரை
	3332. இகழும் காலன் இதயத்தும், என் உளும், திகழும் சேவடியான் திருந்தும்(ம்) இடம் புகழும் பூமகளும் புணர் பூசுரர் நிகழும் தண்டலை நீணெறி; காண்மினே!      2	உரை
	3333. பரந்த நீலப் படர் எரி வல்விடம் கரந்த கண்டத்தினான் கருதும்(ம்) இடம் சுரந்த மேதி துறை படிந்து ஓடையில் நிரந்த தண்டலை நீணெறி; காண்மினே!     3	உரை
	3334. தவந்த என்பும், தவளப்பொடியுமே, உவந்த மேனியினான் உறையும்(ம்) இடம் சிவந்த பொன்னும் செழுந் தரளங்களும் நிவந்த தண்டலை நீணெறி; காண்மினே!      4	உரை
	3335. இலங்கை வேந்தன் இருபது தோள் இற, விலங்கலில் அடர்த்தான் விரும்பும்(ம்) இடம் சலம் கொள் இப்பி தரளமும் சங்கமும் நிலம் கொள் தண்டலை நீணெறி; காண்மினே!      8	உரை
	3336. கரு வரு உந்தியின் நான்முகன், கண்ணன், என்று இருவரும் தெரியா ஒருவன்(ன்) இடம் செரு வருந்திய செம்பியன் கோச்செங்கண்- நிருபர் தண்டலை நீணெறி; காண்மினே!      9	உரை
	3337. கலவு சீவரத்தார், கையில் உண்பவர் குலவமாட்டாக் குழகன் உறைவு இடம் சுலவு மா மதிலும், சுதை மாடமும், நிலவு தண்டலை நீணெறி; காண்மினே!      10	உரை
	3338. நீற்றர், தண்டலை நீணெறி நாதனை, தோற்றும் மேன்மையர் தோணிபுரத்து இறை சாற்று ஞானசம்பந்தன்-தமிழ் வலார் மாற்று இல் செல்வர்; மறப்பர், பிறப்பையே.     11	உரை