தொடக்கம்
51. திருஆலவாய் - கௌசிகம்
	3339. செய்யனே! திரு ஆலவாய் மேவிய ஐயனே! “அஞ்சல்!” என்று அருள்செய், எனை; பொய்யர் ஆம் அமணர் கொளுவும் சுடர் பையவே சென்று, பாண்டியற்கு ஆகவே!      1	உரை
	3340. சித்தனே! திரு ஆலவாய் மேவிய அத்தனே! “அஞ்சல்!” என்று அருள்செய், எனை; எத்தர் ஆம் அமணர் கொளுவும் சுடர் பத்தி மன், தென்னன், பாண்டியற்கு ஆகவே!      2	உரை
	3341. தக்கன் வேள்வி தகர்த்து அருள் ஆலவாய்ச் சொக்கனே! “அஞ்சல்!” என்று அருள்செய், எனை; எக்கர் ஆம் அமணர் கொளுவும் சுடர் பக்கமே சென்று, பாண்டியற்கு ஆகவே!      3	உரை
	3342. சிட்டனே! திரு ஆலவாய் மேவிய அட்டமூர்த்தியனே! “அஞ்சல்!” என்று அருள் துட்டர் ஆம் அமணர் கொளுவும் சுடர் பட்டி மன், தென்னன், பாண்டியற்கு ஆகவே!      4	உரை
	3343. நண்ணலார் புரம் மூன்று எரி ஆலவாய் அண்ணலே! “அஞ்சல்!” என்று அருள்செய், எனை; எண் இலா அமணர் கொளுவும் சுடர் பண் இயல் தமிழ்ப் பாண்டியற்கு ஆகவே!      5	உரை
	3344. “தஞ்சம்!” என்று உன் சரண் புகுந்தேனையும், “அஞ்சல்!” என்று அருள், ஆலவாய் அண்ணலே! வஞ்சம் செய்து அமணர் கொளுவும் சுடர் பஞ்சவன், தென்னன், பாண்டியற்கு ஆகவே!      6	உரை
	3345. செங்கண் வெள்விடையாய்! திரு ஆலவாய் அங்கணா! “அஞ்சல்!” என்று அருள் செய், எனை; கங்குலார் அமண்கையர் இடும் கனல், பங்கம் இல் தென்னன் பாண்டியற்கு ஆகவே!      7	உரை
	3346. தூர்த்தன் வீரம் தொலைத்து அருள் ஆலவாய் ஆத்தனே! “அஞ்சல்!” என்று அருள்செய், எனை; ஏத்து இலா அமணர் கொளுவும் சுடர் பார்த்திவன், தென்னன், பாண்டியற்கு ஆகவே!      8	உரை
	3347. தாவினான், அயன்தான் அறியா வகை மேவினாய்! திரு ஆலவாயாய், அருள் தூ இலா அமணர் கொளுவும் சுடர் பாவினான், தென்னன், பாண்டியற்கு ஆகவே!      9	உரை
	3348. எண்திசைக்கு எழில் ஆலவாய் மேவிய அண்டனே! “அஞ்சல்!” என்று அருள் செய், எனை; குண்டர் ஆம் அமணர் கொளுவும் சுடர் பண்டி மன், தென்னன், பாண்டியற்கு ஆகவே!      10	உரை
	3349. அப்பன்-ஆலவாய் ஆதி அருளினால், வெப்பம் தென்னவன் மேல் உற, மேதினிக்கு ஒப்ப, ஞானசம்பந்தன் உரைபத்தும், செப்ப வல்லவர் தீது இலாச் செல்வரே.     11	உரை