தொடக்கம்
98. திருவீழிமிழலை - திருமுக்கால் - சாதாரி
	3853. வெண்மதி தவழ் மதில் மிழலை உளீர், சடை ஒண்மதி அணி உடையீரே; ஒண்மதி அணி உடையீர்! உமை உணர்பவர் கண் மதி மிகுவது கடனே.      1	உரை
	3854. விதி வழி மறையவர் மிழலை உளீர், நடம் சதி வழி வருவது ஒர் சதிரே; சதி வழி வருவது ஒர் சதிர் உடையீர்! உமை அதிகுணர் புகழ்வதும் அழகே.      2	உரை
	3855. விரை மலி பொழில் அணி மிழலை உளீர், ஒரு வரைமிசை உறைவதும் வலதே; வரைமிசை உறைவது ஒர் வலது உடையீர்! உமை உரை செயுமவை மறை ஒலியே.      3	உரை
	3856. விட்டு எழில் பெறு புகழ் மிழலை உளீர், கையில் இட்டு எழில் பெறுகிறது எரியே; இட்டு எழில் பெறுகிறது எரி உடையீர்! புரம் அட்டது வரை சிலையாலே.      4	உரை
	3857. வேல் நிகர் கண்ணியர் மிழலை உளீர், நல பால் நிகர் உரு உடையீரே; பால் நிகர் உரு உடையீர்! உமது உடன் உமை தான் மிக உறைவது தவமே.      5	உரை
	3858. விரை மலி பொழில் அணி மிழலை உளீர், செனி நிரை உற அணிவது நெறியே; நிரை உற அணிவது ஒர் நெறி உடையீர்! உமது அரை உற அணிவன, அரவே.      6	உரை
	3859. விசை உறு புனல் வயல் மிழலை உளீர், அரவு அசைவு உற அணிவு உடையீரே; அசைவு உற அணிவு உடையீர்! உமை அறிபவர் நசை உறும் நாவினர் தாமே.      7	உரை
	3860. விலங்கல் ஒண்மதில் அணி மிழலை உளீர், அன்று இலங்கை மன் இடர் கெடுத்தீரே; இலங்கை மன் இடர் கெடுத்தீர்! உமை ஏத்துவார் புலன்களை முனிவது பொரு      8	உரை
	3861. வெற்பு அமர் பொழில் அணி மிழலை உளீர், உமை அற்புதன் அயன் அறியானே; அற்புதன் அயன் அறியா வகை நின்றவன் நல் பதம் அறிவது நயமே.      9	உரை
	3862. வித்தக மறையவர் மிழலை உளீர், அன்று புத்தரொடு அமண் அழித்தீரே; புத்தரொடு அமண் அழித்தீர்! உமைப் போற்றுவார் பத்தி செய் மனம் உடையவரே.      10	உரை
	3863. விண் பயில் பொழில் அணி மிழலையுள் ஈசனை, சண்பையுள் ஞானசம்பந்தன் சண்பையுள் ஞானசம்பந்தன தமிழ் இவை, ஒண் பொருள் உணர்வதும் உணர்வே.      11	உரை