தொடக்கம்
99. திருமுதுகுன்றம் - திருமுக்கால் - சாதாரி
	3864. முரசு அதிர்ந்து எழுதரு முது குன்றம் மேவிய பரசு அமர் படை உடையீரே; பரசு அமர் படை உடையீர்! உமைப் பரவுவார் அரசர்கள் உலகில் ஆவாரே.      1	உரை
	3865. மொய் குழலாளொடு முதுகுன்றம் மேவிய பை அரவம் அசைத்தீரே; பை அரவம் அசைத்தீர்! உமைப் பாடுவார் நைவு இலர்; நாள்தொறும் நலமே.      2	உரை
	3866. முழவு அமர் பொழில் அணி முதுகுன்றம் மேவிய மழ விடை அது உடையீரே; மழ விடை அது உடையீர்! உமை வாழ்த்துவார் பழியொடு பகை இலர்தாமே.      3	உரை
	3867. முருகு அமர் பொழில் அணி முதுகுன்றம் மேவிய உரு அமர் சடைமுடியீரே; உரு அமர் சடைமுடியீர்! உமை ஓதுவார் திருவொடு தேசினர் தாமே.      4	உரை
	3868. முத்தி தரும் உயர் முதுகுன்றம் மேவிய பத்து முடி அடர்த்தீரே; பத்து முடி அடர்த்தீர்! உமைப் பாடுவார் சித்தம் நல்ல(வ்) அடியாரே.      8	உரை
	3869. முயன்றவர் அருள் பெறு முதுகுன்றம் மேவி, அன்று இயன்றவர் அறிவு அரியீரே; இயன்றவர் அறிவு அரியீர்! உமை ஏத்துவார் பயன் தலை நிற்பவர் தாமே.      9	உரை
	3870. மொட்டு அலர் பொழில் அணி முதுகுன்றம் மேவிய கட்டு அமண் தேரைக் காய்ந்தீரே; கட்டு அமண் தேரைக் காய்ந்தீர்! உமைக் கருதுவார் சிட்டர்கள் சீர் பெறுவாரே.      10	உரை
	3871. மூடிய சோலை சூழ் முதுகுன்றத்து ஈசனை நாடிய ஞானசம்பந்தன் நாடிய ஞானசம்பந்தன செந்தமிழ் பாடிய அவர் பழி இலரே.      11	உரை