தொடக்கம்
124. திருக்குருகாவூர் - வெள்ளடை - அந்தாளிக்குறிஞ்சி
	4131. சுண்ண வெண்நீறு அணி மார்பில்-தோல் புனைந்து எண்ண(அ)ரும் பல்கணம் ஏத்த, நின்று ஆடுவர் விண் அமர் பைம்பொழில் வெள்ளடை மேவிய பெண் அமர் மேனி எம் பிஞ்ஞகனாரே.      1	உரை
	4132. திரை புல்கு கங்கை திகழ் சடை வைத்து வரை மகளோடு உடன் ஆடுதிர் மல்கு விரை கமழ் தண்பொழில் வெள்ளடை மேவிய அரை மல்கு வாள் அரவு ஆட்டு உகந்தீரே!      2	உரை
	4133. அடையலர் தொல்-நகர் மூன்று எரித்து, அன்ன- நடை மடமங்கை ஒர்பாகம் நயந்து, விடை உகந்து ஏறுதிர் வெள்ளடை மேவிய சடை அமர் வெண்பிறைச் சங்கரனீரே!      3	உரை
	4134. வளம் கிளர் கங்கை மடவரலோடு களம் பட ஆடுதிர், காடு அரங்கு ஆக; விளங்கிய தண்பொழில் வெள்ளடை மேவிய இளம்பிறை சேர் சடை எம்பெருமானே!      4	உரை
	4135. சுரிகுழல் நல்ல துடியிடையோடு பொரி புல்கு காட்டு இடை ஆடுதிர், பொங்க; விரிதரு பைம்பொழில் வெள்ளடை மேவிய எரி மழுவாள் படை எந்தைபிரானே!      5	உரை
	4136. காவி அம் கண் மடவாளொடும் காட்டு இடைத் தீ அகல் ஏந்தி நின்று ஆடுதிர் தேன்மலர் மேவிய தண்பொழில் வெள்ளடை மேவிய ஆவினில் ஐந்து கொண்டு ஆட்டு உகந்தீரே!      6	உரை