முகப்பு தொடக்கம்   பாடல் எண் : 10 - 2 ஈண்டு செஞ்சடை யாகத்து ளீசரோ மூண்ட கார்முகி லின்முறிக் கண்டரோ ஆண்டு கொண்டநீ ரேயருள் செய்திடும் நீண்ட மாக்கத வின்வலி நீக்குமே. 2 பொ-ரை: ஆகத்தில் ஈண்டிய செஞ்சடைகொண்ட இறைவரே! தொகுதியாய கருமுகிலின் நிறத்தையும் தளிரின் ஒளியையும் உடைய மணிகண்டரே. அடியேனை ஆண்டுகொண்ட நீரே அருள் செய்வீராக; நீண்ட இப்பெருங்கதவின் வலியினை நீக்குவீராக. கு-ரை: ஈண்டு - திரண்டு கூடிய, அதாவது, சேர்த்துக் கட்டிய. மூண்ட கார்முகில் - திரண்டகரிய மேகம். முறி - தளிர். இறைவன் கண்டம் கறுப்பு நிறமும் ஒளியும் உடையது என்க. நீண்ட மரக்கதவின்வலி - நெடுநாளாகத் திறக்கப்படாத கதவின் வலிமையை.