முகப்பு தொடக்கம்   பாடல் எண் : 20 - 10 பரப்பு நீரிலங் கைக்கிறை வன்அவன் உரத்தி னாலடுக் கல்எடுக் கல்லுற இரக்க மின்றி யிறைவிர லாற்றலை அரக்கி னான்கடம் பூர்க்கரக் கோயிலே. 10 பொ-ரை: நீர்ப்பரப்புச் சூழ்ந்த இலங்கைக்குத் தலைவனாகிய இராவணன் தன் ஆற்றலினால் திருக்கயிலையை எடுக்கத் தொடங்க இரக்கமின்றிச் சிறிது விரலாற்றலையினை அரக்கினவன் இடம் கடம்பூர்க்கரக்கோயில். கு-ரை: பரப்புநீர் - பரவியநீர்; கடல், உரம் - வலிமை. அடுக்கல் - மலை. எடுக்கல்லுற - தூக்க. இறைவிரல் - காற்பெருவிரல். தலை - இராவணன் தலையை. அரக்கினான் - அழுத்தி நெரித்தான். அரக்கினான் இடம் என ஒரு சொல் வருவிக்க.