முகப்பு தொடக்கம்   பாடல் எண் : 38 - 6 எரிகொள் மேனி யிளம்பிறை வைத்தவர் கரியர் தாங்கட வூரின் மயானத்தார் அரிய ரண்டத்து ளோரயன் மாலுக்கும் பெரியர் காணும் பெருமா னடிகளே. 6 பொ-ரை: கடவூர் மயானத்தாராகிய பெருமான் அடிகள், சிவந்த தழல் வண்ணம் கொண்ட திருமேனியும், இளம்பிறை வைத்த சடையும் உடையவர்; அயிராவணம் என்ற ஆனையை உடையவர்; அயன், திருமால் முதலிய தேவர்கள் யாவருக்கும் காண்டற்கு அரியர்; பெரியர்; காண்பீர்களாக. கு-ரை: எரிகொள்மேனி - நெருப்பின் நிறங்கொண்ட சிவந்த மேனி. கரியர் - எல்லா உயிர்களுக்கும் சான்றாக நிற்பவர், அகோர முகத்தினர் எனலுமாம், அண்டத்துளோர் - வானுலகில் உள்ளவர்.