முகப்பு தொடக்கம்   பாடல் எண் : 86 - 4 கூற்றம் வந்து குமைத்திடும் போதினால் தேற்றம் வந்து தெளிவுற லாகுமே ஆற்ற வும்மருள் செய்யும்வாட் போக்கிபால் ஏற்று மின்விளக் கையிருள் நீங்கவே. 4 பொ-ரை: எமன் வந்து அழித்திடும்போதில் முடிவு வந்து தெளிவுறல் ஆகாதன்றோ? மிகவும் அருள்செய்யும் வாட்போக்கி இறைவர்பால் விளக்கை இருள் நீங்க ஏற்றுவீராக. கு-ரை: தேற்றம் - உறுதி. விளக்கு - அறிவு. இருள் - அறியாமை. ஏ, அசை. ஆற்றவும் ஏற்றுமின் - இயன்ற அளவு இறை ஒளியை உள்ளத்தில் ஏற்றுங்கள். இருள் நீங்க - அறியாமையாகிய இருட்டுக்கெட. விளக்கு - சிவம்.