மூலம்   பாடல் எண் :1622 வீறு தானுடை வெற்பன் மடந்தையோர் கூற னாகிலுங் கூன்பிறை சூடிலும் நாறு பூம்பொழில் நாரையூர் நம்பனுக் காறு சூடலும் அம்ம அழகிதே. 1 பொ-ரை: மணம் வீசுகின்ற பூம்பொழில்களை உடைய நாரையூரின்கண் எழுந்தருளியுள்ள நம் இறைவர், பிறிதொன்றற்கில்லாத பெருஞ்சிறப்புடைய திருக்கயிலாயத்தை உடையவர். உமையம்மையை ஒருபங்கில் உடையவர்; வளைந்த பிறை சூடியவர். ஆயினும் கங்கையாற்றினைச் சடையிற் சூடல் மிக்க அழகும் வியப்பும் உடையதே. கு-ரை: வீறுதானுடைய வெற்பன்-பெருமை பொருந்திய மலையரையன். கூன் பிறை - வறைந்த பிறை. நாறு - மணம் கமழும். அம்ம -வியப்புமொழி; மிக என்னும் பொருட்டு.