தொடக்கம்
	6.6 திருஅதிகை வீரட்டானம் திருவடித் திருத்தாண்டகம் 54 அரவு அணையான் சிந்தித்து அரற்றும்(ம்) அடி;       அருமறையான் சென்னிக்கு அணி ஆம் அடி; சரவணத்தான் கைதொழுது சாரும்(ம்) அடி;         சார்ந்தார்கட்கு எல்லாம் சரண் ஆம் அடி; பரவுவார் பாவம் பறைக்கும்(ம்) அடி;             பதினெண்கணங்களும் பாடும்(ம்) அடி; திரை விரவு தென் கெடில நாடன்(ன்)அடி- திரு             வீரட்டானத்து எம் செல்வன்(ன்) அடி.	உரை
	55 கொடுவினையார் என்றும் குறுகா அடி; குறைந்து        அடைந்தார் ஆழாமைக் காக்கும்(ம்) அடி; படு முழவம் பாணி பயிற்றும்(ம்) அடி; பதைத்து         எழுந்த வெங் கூற்றைப் பாய்ந்த(வ்) அடி; கடு முரண் ஏறு ஊர்ந்தான் கழல்சேவடி; கடல்              வையம் காப்பான் கருதும்(ம்) அடி; நெடு மதியம் கண்ணி அணிந்தான் அடி- நிறை                  கெடில வீரட்டம் நீங்கா அடி.	உரை
	56 வைது எழுவார் காமம், பொய், போகா அடி;             வஞ்சவலைப்பாடு ஒன்று இல்லா அடி; கைதொழுது நாம் ஏத்திக் காணும்(ம்) அடி;             கணக்கு வழக்கைக் கடந்த(வ்) அடி; நெய்-தொழுது, நாம் ஏத்தி-ஆட்டும்(ம்) அடி; நீள்           விசும்பை ஊடு அறுத்து நின்ற(வ்) அடி; தெய்வப்புனல் கெடில நாடன்(ன்) அடி-திரு            வீரட்டானத்து எம் செல்வன்(ன்) அடி;	உரை
	57 அரும்பித்த செஞ்ஞாயிறு ஏய்க்கும்(ம்) அடி;             அழகு எழுதல் ஆகா அருள் சேவடி; சுரும்பித்த வண்டு இனங்கள் சூழ்ந்த(வ்) அடி;      சோமனையும் காலனையும் காய்ந்தவ(வ்) அடி; பெரும் பித்தர் கூடிப் பிதற்றும்(ம்) அடி;       பிழைத்தார் பிழைப்பு அறிய வல்ல(வ்) அடி; திருந்து நீர்த் தென்கெடில நாடன்(ன்) அடி-திரு            வீரட்டானத்து எம் செல்வன்(ன்) அடி	உரை
	58 ஒரு காலத்து ஒன்று ஆகி நின்ற(வ்) அடி;                 ஊழிதோறுஊழி உயர்ந்த(வ்) அடி; பொரு கழலும் பல்சிலம்பும் ஆர்க்கும்(ம்) அடி;              புகழ்வார் புகழ் தகைய வல்ல(வ்) அடி; இரு நிலத்தார் இன்பு உற்று அங்கு ஏத்தும்(ம்) அடி;             இன்பு உற்றார் இட்ட பூ ஏறும்(ம்) அடி; திரு அதிகைத் தென்கெடில நாடன்(ன்) அடி-திரு              வீரட்டானத்து எம் செல்வன்(ன்) அடி.	உரை
	59 திருமகட்குச் செந்தாமரை ஆம் அடி;    சிறந்தவர்க்குத் தேன் ஆய் விளைக்கும்(ம்) அடி; பொருளவர்க்குப் பொன் உரை ஆய் நின்ற(வ்)       அடி; புகழ்வார் புகழ் தகைய வல்ல(வ்) அடி; உரு இரண்டும் ஒன்றோடு ஒன்று ஒவ்வா அடி;                 உரு என்று உணரப்படாத(வ்)அடி; திரு அதிகைத் தென் கெடில நாடன்(ன்) அடி-திரு             வீரட்டானத்து எம் செல்வன்(ன்) அடி.	உரை
	60 உரைமாலைஎல்லாம் உடைய(வ்) அடி; உரையால்                         உணரப்படாத(வ்) அடி; வரைமாதை வாடாமை வைக்கும்(ம்) அடி; வானவர்கள்                   தாம் வணங்கி வாழ்த்தும்(ம்) அடி; அரைமாத்திரையில் அடங்கும்(ம்) அடி; அகலம்                         அளக்கிற்பார் இல்லா அடி; கரை மாங் கலிக் கெடில நாடன்(ன்) அடி-கமழ்                         வீரட்டானக் காபாலி(ய்) அடி;	உரை
	61 நறுமலர் ஆய் நாறும் மலர்ச்சேவடி; நடு ஆய்                     உலகம் நாடு ஆய(வ்) அடி; செறிகதிரும் திங்களும் ஆய் நின்ற(வ்) அடி;          தீத்திரள் ஆய் உள்ளே திகழ்ந்த(வ்) அடி; மறு மதியை மாசு கழுவும்(ம்) அடி; மந்திரமும்                        தந்திரமும் ஆய(வ்) அடி; செறி கெடில நாடர் பெருமான் அடி-திரு             வீரட்டானத்து எம் செல்வன்(ன்) அடி.	உரை
	62 அணியனவும் சேயனவும் அல்லா அடி;       அடியார்கட்கு ஆர் அமுதம் ஆய(வ்) அடி; பணிபவர்க்குப் பாங்கு ஆக வல்ல(வ்) அடி;             பற்று அற்றார் பற்றும் பவள(வ்) அடி; மணி அடி; பொன் அடி; மாண்பு ஆம் அடி;       மருந்து ஆய்ப் பிணி தீர்க்க வல்ல(வ்) அடி; தணிபு ஆடு தண்கெடில நாடன்(ன்) அடி-தகை               சார் வீரட்டத் தலைவன்(ன்) அடி;	உரை
	63 அம் தாமரைப்போது அலர்ந்த(வ்) அடி;         அரக்கனையும் ஆற்றல் அழித்த(வ்) அடி; முந்துஆகி முன்னே முளைத்த(வ்) அடி; முழங்கு          அழல் ஆய் நீண்ட எம் மூர்த்தி(ய்) அடி; பந்து ஆடு மெல்விரலாள் பாகன்(ன்) அடி;             பவளத்தடவரையே போல்வான் அடி; வெந்தார் சுடலை நீறு ஆடும்(ம்) அடி-வீரட்டம்                        காதல் விமலன்(ன்) அடி.	உரை