தொடக்கம்
	6.14 திருநல்லூர் திருத்தாண்டகம் 137 நினைந்து உருகும் அடியாரை நைய வைத்தார்;           நில்லாமே தீவினைகள் நீங்க வைத்தார்; சினம் திருகு களிற்று உரிவைப் போர்வை வைத்தார்;    செழு மதியின்தளிர் வைத்தார்; சிறந்து வானோர்- இனம் துருவி, மணி மகுடத்து ஏற, துற்ற இன      மலர்கள் போது அவிழ்ந்து மது வாய்ப் பில்கி நனைந்தனைய திருவடி என் தலைமேல்    வைத்தார்-நல்லூர் எம்பெருமானார் நல்ல ஆறே!.	உரை
	138 பொன் நலத்த நறுங்கொன்றை சடைமேல்    வைத்தார்; புலி உரியின் அதள் வைத்தார்; புனலும் வைத்தார்; மன் நலத்த திரள் தோள்மேல் மழுவாள் வைத்தார்;      வார் காதில் குழை வைத்தார்; மதியும் வைத்தார்; மின் நலத்த நுண் இடையாள் பாகம் வைத்தார்;     வேழத்தின் உரி வைத்தார்; வெண்நூல் வைத்தார்; நல்-நலத்த திருவடி என் தலைமேல்      வைத்தார்-நல்லூர் எம்பெருமானார் நல்ல ஆறே!.	உரை
	139 தோடு ஏறும் மலர்க்கொன்றை சடைமேல்     வைத்தார்; துன் எருக்கின்வடம் வைத்தார்; துவலை சிந்த, பாடு ஏறு படு திரைகள் எறிய வைத்தார்;       பனிமத்தமலர் வைத்தார்; பாம்பும் வைத்தார்; சேடு ஏறு திருநுதல் மேல் நாட்டம் வைத்தார்; சிலை         வைத்தார்; மலை பெற்ற மகளை வைத்தார்; நாடு ஏறு திருவடி என் தலைமேல்    வைத்தார்-நல்லூர் எம்பெருமானார் நல்ல ஆறே!.	உரை
	140 வில் அருளி வரு புருவத்து ஒருத்தி பாகம்    பொருத்து ஆகி, விரிசடைமேல் அருவி வைத்தார்; கல் அருளி வரிசிலையா வைத்தார்; ஊராக்          கயிலாயமலை வைத்தார்; கடவூர் வைத்தார்; சொல் அருளி அறம் நால்வர்க்கு அறிய வைத்தார்;       சுடுசுடலைப் பொடி வைத்தார்; துறவி வைத்தார்; நல் அருளால்-திருவடி என் தலைமேல்      வைத்தார்-நல்லூர் எம்பெருமானார் நல்ல ஆறே!.	உரை
	141 விண் இரியும் திரிபுரங்கள் எரிய வைத்தார்; வினை,     தொழுவார்க்கு, அற வைத்தார்; துறவி வைத்தார்; கண் எரியால் காமனையும் பொடியா வைத்தார்;     கடிக்கமலம் மலர் வைத்தார்; கயிலை வைத்தார்; திண் எரியும் தண் புனலும் உடனே வைத்தார்;     திசை தொழுது மிசை அமரர் திகழ்ந்து வாழ்த்தி நண்ண(அ)அரிய திருவடி என் தலைமேல்    வைத்தார்-நல்லூர் எம்பெருமானார் நல்ல ஆறே!.	உரை
	142 உற்று உலவு பிணி உலகத்து எழுமை வைத்தார்;    உயிர் வைத்தார்; உயிர் செல்லும் கதிகள் வைத்தார்; மற்று அமரர்கணம் வைத்தார்; அமரர் காணாமறை            வைத்தார்; குறைமதியம் வளர வைத்தார்; செற்றம் மலி ஆர்வமொடு காமலோபம் சிறவாத                  நெறி வைத்தார்; துறவி வைத்தார்; நல்-தவர் சேர் திருவடி என் தலைமேல்     வைத்தார்-நல்லூர் எம்பெருமானார் நல்ல ஆறே!.	உரை
	143 மாறு மலைந்தார் அரணம் எரிய வைத்தார்; மணி      முடிமேல் அர வைத்தார்; அணி கொள் மேனி நீறு மலிந்து எரி ஆடல் நிலவ வைத்தார்;    நெற்றிமேல் கண் வைத்தார்; நிலையம் வைத்தார்; ஆறு மலைந்து அறு திரைகள் எறிய வைத்தார்;         ஆர்வத்தால் அடி அமரர் பரவ வைத்தார்; நாறு மலர்த்திருவடி என் தலைமேல்    வைத்தார்-நல்லூர் எம்பெருமானார் நல்ல ஆறே!.	உரை
	144 குலங்கள் மிகு மலை, கடல்கள், ஞாலம், வைத்தார்;    குரு மணி சேர் அர வைத்தார்; கோலம் வைத்தார்; உலம் கிளரும் அரவத்தின் உச்சி வைத்தார்; உண்டு       அருளி விடம் வைத்தார்; எண்தோள் வைத்தார்; நிலம் கிளரும் புனல் கனலுள் அனிலம் வைத்தார்;    நிமிர் விசும்பின் மிசை வைத்தார்; நினைந்தார் இந் நாள் நலம் கிளரும் திருவடி என் தலைமேல்     வைத்தார்-நல்லூர் எம்பெருமானார் நல்ல ஆறே!.	உரை
	145 சென்று உருளும் கதிர் இரண்டும் விசும்பில் வைத்தார்;        திசைபத்தும் இரு நிலத்தில் திருந்த வைத்தார்; நின்று அருளி அடி அமரர் வணங்க வைத்தார்; நிறை          தவமும் மறை பொருளும் நிலவ வைத்தார்; கொன்று அருளி, கொடுங் கூற்றம் நடுங்கி ஓட,     குரைகழல்சேவடி வைத்தார்; விடையும் வைத்தார்; நன்று அருளும் திருவடி என் தலைமேல் வைத்தார்-              நல்லூர் எம்பெருமானார் நல்ல ஆறே!.	உரை
	146 பாம்பு உரிஞ்சி, மதி கிடந்து, திரைகள் ஏங்க, பனிக்      கொன்றை சடை வைத்தார்; பணி செய் வானோர் ஆம் பரிசு தமக்கு எல்லாம் அருளும் வைத்தார்;    அடு சுடலைப் பொடி வைத்தார்; அழகும் வைத்தார்; ஓம்ப(அ)அரிய வல்வினை நோய் தீர வைத்தார்;       உமையை ஒருபால் வைத்தார்; உகந்து வானோர், நாம், பரவும் திருவடி என் தலைமேல் வைத்தார்-               நல்லூர் எம்பெருமானார் நல்ல ஆறே!.	உரை
	147 குலம் கிளரும் வரு திரைகள் ஏழும் வைத்தார்; குரு       மணி சேர் மலை வைத்தார்; மலையைக் கையால் உலம் கிளர எடுத்தவன் தோள் முடியும் நோவ         ஒருவிரலால் உற வைத்தார்; “இறைவா!” என்று புலம்புதலும், அருளொடு போர் வாளும் வைத்தார்;    புகழ் வைத்தார்; புரிந்து ஆளாக் கொள்ள வைத்தார்; நலம் கிளரும் திருவடி என் தலைமேல் வைத்தார்-                நல்லூர் எம்பெருமானார் நல்ல ஆறே!.	உரை