தொடக்கம்
	6.81 திருக்கோடிகா திருத்தாண்டகம் 805 கண் தலம் சேர் நெற்றி இளங்காளை கண்டாய்;           கல் மதில் சூழ் கந்த மாதனத்தான் கண்டாய்; மண்தலம் சேர் மயக்கு அறுக்கும் மருந்து கண்டாய்;               மதில் கச்சி ஏகம்பம் மேயான் கண்டாய்; விண்தலம் சேர் விளக்கு ஒளி ஆய் நின்றான்         கண்டாய்; மீயச்சூர் பிரியாத விகிர்தன் கண்டாய்; கொண்டல் அம் சேர் கண்டத்து எம் கூத்தன்    கண்டாய் கோடிகா அமர்ந்து உறையும் குழகன் தானே.	உரை
	806 வண்டு ஆடு பூங்குழலாள் பாகன் கண்டாய்;           மறைக்காட்டு உறையும் மணாளன் கண்டாய்; பண்டு ஆடும் பழவினைநோய் தீர்ப்பான் கண்டாய்;             பரலோக நெறி காட்டும் பரமன் கண்டாய்; செண்டு ஆடி அவுணர் புரம் செற்றான் கண்டாய்;             திரு ஆரூர்த் திருமூலட்டானன் கண்டாய்; கொண்டாடும் அடியவர் தம் மனத்தான் கண்டாய்          கோடிகா அமர்ந்து உறையும் குழகன் தானே.	உரை
	807 அலை ஆர்ந்த புனல் கங்கைச் சடையான் கண்டாய்;         அடியார்கட்கு ஆர் அமுதம் ஆனான் கண்டாய்; மலை ஆர்ந்த மடமங்கை பங்கன் கண்டாய்;     வானோர்கள் முடிக்கு அணி ஆய் நின்றான் கண்டாய்; இலை ஆர்ந்த திரிசூலப்படையான் கண்டாய்; ஏழ்                   உலகும் ஆய் நின்ற எந்தை கண்டாய்; கொலை ஆர்ந்த குஞ்சரத் தோல் போர்த்தான்     கண்டாய் கோடிகா அமர்ந்து உறையும் குழகன் தானே.	உரை
	808 மற்று ஆரும் தன் ஒப்பார் இல்லான் கண்டாய்;          மயிலாடுதுறை இடமா மகிழ்ந்தான் கண்டாய்; புற்று ஆடு அரவு அணிந்த புனிதன் கண்டாய்;      பூந்துருத்திப் பொய் இலியாய் நின்றான் கண்டாய்; அற்றார்கட்கு அற்றானாய் நின்றான் கண்டாய்;                    ஐயாறு அகலாத ஐயன் கண்டாய்; குற்றாலத்து அமர்ந்து உறையும் கூத்தன் கண்டாய்          கோடிகா அமர்ந்து உறையும் குழகன் தானே.	உரை
	809 வார் ஆர்ந்த வனமுலையாள் பங்கன் கண்டாய்;               மாற்பேறு காப்பா மகிழ்ந்தான் கண்டாய்; போர் ஆர்ந்த மால்விடை ஒன்று ஊர்வான்         கண்டாய்; புகலூரை அகலாத புனிதன் கண்டாய்; நீர் ஆர்ந்த நிமிர்சடை ஒன்று உடையான் கண்டாய்;      நினைப்பார் தம் வினைப்பாரம் இழிப்பான் கண்டாய்; கூர் ஆர்ந்த மூ இலை வேல் படையான் கண்டாய்            கோடிகா அமர்ந்து உறையும் குழகன் தானே.	உரை
	810 கடி மலிந்த மலர்க்கொன்றைச் சடையான் கண்டாய்;       கண் அப்ப விண் அப்புக் கொடுத்தான் கண்டாய்; படி மலிந்த பல்பிறவி அறுப்பான் கண்டாய்; பற்று               அற்றார் பற்றவனாய் நின்றான் கண்டாய்; அடி மலிந்த சிலம்பு அலம்பத் திரிவான் கண்டாய்;     அமரர் கணம் தொழுது ஏத்தும் அம்மான் கண்டாய்; கொடி மலிந்த மதில்-தில்லைக் கூத்தன் கண்டாய்           கோடிகா அமர்ந்து உறையும் குழகன் தானே.	உரை
	811 உழை ஆடு கரதலம் ஒன்று உடையான் கண்டாய்;               ஒற்றியூர் ஒற்றியா உடையான் கண்டாய்; கழை ஆடு கழுக்குன்றம் அமர்ந்தான் கண்டாய்;          காளத்திக் கற்பகம் ஆய் நின்றான் கண்டாய்; இழை ஆடும் எண் புயத்த இறைவன் கண்டாய்;          என் நெஞ்சத்துள்-நீங்கா எம்மான் கண்டாய்; குழை ஆட நடம் ஆடும் கூத்தன் கண்டாய்          கோடிகா அமர்ந்து உறையும் குழகன் தானே.	உரை
	812 படம் ஆடு பன்னகக்கச்சு அசைத்தான் கண்டாய்;           பராய்த்துறையும் பாசூரும் மேயான் கண்டாய்; நடம் ஆடி ஏழ் உலகும் திரிவான் கண்டாய்;      நால்மறையின் பொருள் கண்டாய்; நாதன் கண்டாய்; கடம் ஆடு களிறு உரித்த கண்டன் கண்டாய்;                 கயிலாயம் மேவி இருந்தான் கண்டாய்; குடம் ஆடி இடம் ஆகக் கொண்டான் கண்டாய்           கோடிகா அமர்ந்து உறையும் குழகன் தானே.	உரை