தொடக்கம்
	6.96 பொது தனித்திருத்தாண்டகம் 940 ஆமயம் தீர்த்து அடியேனை ஆளாக் கொண்டார்; அதிகை                        வீரட்டானம் ஆட்சி கொண்டார்; தாமரையோன் சிரம் அரிந்து கையில் கொண்டார்; தலை          அதனில் பலி கொண்டார்; நிறைவு ஆம் தன்மை வாமனனார் மா காயத்து உதிரம் கொண்டார்; மான் இடம்             கொண்டார்; வலங்கை மழுவாள் கொண்டார்; காமனையும் உடல் கொண்டார், கண்ணால் நோக்கி;                கண்ணப்பர் பணியும் கொள் கபாலியாரே.	உரை
	941 முப்புரி நூல் வரை மார்பில் முயங்கக் கொண்டார்;            முது கேழல் முளை மருப்பும் கொண்டார், பூணா; செப்பு உருவம் முலை மலையாள் பாகம் கொண்டார்;                 செம்மேனி வெண் நீறு திகழக் கொண்டார்; துப்புரவு ஆர் சுரி சங்கின் தோடு கொண்டார்; சுடர்           முடி சூழ்ந்து, அடி அமரர் தொழவும் கொண்டார்; அப் பலி கொண்டு ஆயிழையார் அன்பும் கொண்டார்                   அடியேனை ஆள் உடைய அடிகளாரே.	உரை
	942 முடி கொண்டார்; முளை இள வெண் திங்களோடு மூசும் இள                        நாகம் உடன் ஆகக் கொண்டார்; அடி கொண்டார், சிலம்பு அலம்பு கழலும் ஆர்ப்ப; அடங்காத                      முயலகனை அடிக்கீழ்க் கொண்டார்; வடி கொண்டு ஆர்ந்து இலங்கும் மழு வலங்கைக் கொண்டார்;                  மாலை இடப்பாகத்தே மருவக் கொண்டார்; துடி கொண்டார்; கங்காளம் தோள் மேல் கொண்டார் சூலை                     தீர்த்து அடியேனை ஆட்கொண்டாரே.	உரை
	943 பொக்கணமும் புலித்தோலும் புயத்தில் கொண்டார்;                    பூதப்படைகள் புடை சூழக் கொண்டார்; அக்கினொடு பட அரவம் அரை மேல் கொண்டார்; அனைத்து          உலகும் படைத்து அவையும் அடங்கக் கொண்டார்; கொக்கு இறகும் கூவிளமும் கொண்டை கொண்டார்;         கொடியானை அடல் ஆழிக்கு இரையாக் கொண்டார்; செக்கர் நிறத் திருமேனி திகழக் கொண்டார் செடியேனை                            ஆட்கொண்ட சிவனார் தாமே.	உரை
	944 அந்தகனை அயில் சூலத்து அழுத்திக் கொண்டார்; அரு               மறையைத் தேர்க்குதிரை ஆக்கிக் கொண்டார்; சுந்தரனைத் துணைக் கவரி வீசக் கொண்டார்; சுடுகாடு                         நடம் ஆடும் இடமாக் கொண்டார்; மந்தரம் நல் பொரு சிலையா வளைத்துக் கொண்டார்;                 மாகாளன் வாசல் காப்பு ஆகக் கொண்டார்; தந்திர மந்திரத்தராய் அருளிக் கொண்டார் சமண்              தீர்த்து என் தன்னை ஆட் கொண்டார் தாமே.	உரை
	945 பாரிடங்கள் பல கருவி பயிலக் கொண்டார்; பவள நிறம்                         கொண்டார்; பளிங்கும் கொண்டார்; நீர் அடங்கு சடை முடி மேல் நிலாவும் கொண்டார்;               நீல நிறம் கோலம் நிறை மிடற்றில் கொண்டார்; வார் அடங்கு வனமுலையார் மையல் ஆகி வந்து இட்ட                     பலி கொண்டார்; வளையும் கொண்டார்; ஊர் அடங்க, ஒற்றி நகர் பற்றிக் கொண்டார் உடல் உறு                  நோய் தீர்த்து என்னை ஆட்கொண்டாரே.	உரை
	946 அணி தில்லை அம்பலம் ஆடு அரங்காக் கொண்டார்; ஆலால                         அரு நஞ்சம் அமுதாக் கொண்டார்; கணி வளர் தார்ப் பொன் இதழிக் கமழ்தார் கொண்டார்; காதல்                   ஆர் கோடி கலந்து இருக்கை கொண்டார்; மணி பணத்த அரவம் தோள்வளையாக் கொண்டார்; மால் விடை                        மேல் நெடுவீதி போதக் கொண்டார்; துணி புலித்தோலினை ஆடை உடையாக் கொண்டார்; சூலம்            கைக் கொண்டார் தொண்டு எனைக் கொண்டாரே.	உரை
	947 பட மூக்கப் பாம்பு அணையானோடு, வானோன், பங்கயன்,               என்று அங்கு அவரைப் படைத்துக் கொண்டார்; குட மூக்கில் கீழ்க்கோட்டம் கோயில் கொண்டார்; கூற்று                உதைத்து ஓர் வேதியனை உய்யக் கொண்டார்; நெடு மூக்கின் கரியின் உரி மூடிக் கொண்டார்; நினையாத                             பாவிகளை நீங்கக் கொண்டார்; இடம் ஆக்கி இடை மருதும் கொண்டார், பண்டே;            என்னை இந் நாள் ஆட்கொண்ட இறைவர் தாமே.	உரை
	948 எச்சன் இணை தலை கொண்டார்; பகன் கண் கொண்டார்;               இரவிகளில் ஒருவன் பல் இறுத்துக் கொண்டார்; மெச்சன் விதாத்திரன் தலையும் வேறாக் கொண்டார்; விறல்                    அங்கி கரம் கொண்டார்; வேள்வி காத்து, உச்ச நமன் தாள் அறுத்தார்; சந்திரனை உதைத்தார்;               உணர்வு இலாத் தக்கன் தன் வேள்வி எல்லாம் அச்சம் எழ அழித்துக் கொண்டு, அருளும் செய்தார்                  அடியேனை ஆட்கொண்ட அமலர் தாமே.	உரை
	949 சடை ஒன்றில் கங்கையையும் தரித்துக் கொண்டார்; சாமத்தின்                        இசை வீணை தடவிக் கொண்டார்; உடை ஒன்றில் புள்ளி உழைத்தோலும் கொண்டார்; உள்குவார்                        உள்ளத்தை ஒருக்கிக் கொண்டார்; கடை முன்றில் பலி கொண்டார்; கனலும் கொண்டார்; காபால                             வேடம் கருதிக் கொண்டார்; விடை வென்றிக் கொடி அதனில் மேவக் கொண்டார்             வெந்துயரம் தீர்த்து என்னை ஆட்கொண்டாரே.	உரை
	950 குரா மலரோடு, அரா, மதியம், சடை மேல் கொண்டார்;                குடமுழ, நந்தீசனை, வாசகனாக் கொண்டார்; சிராமலை தம் சேர்வு இடமாத் திருந்தக் கொண்டார்;         தென்றல் நெடுந்தேரோனைப் பொன்றக் கொண்டார்; பராபரன் என்பது தமது பேராக் கொண்டார்; பருப்பதம்                        கைக்கொண்டார்; பயங்கள் பண்ணி இராவணன் என்று அவனைப் பேர் இயம்பக் கொண்டார்         இடர் உறு நோய் தீர்த்து என்னை ஆட்கொண்டாரே.	உரை