130. ஆறாத-தணியாத. அன்பு காதலாய் முறுகிய ஞான்று
கனல்போல் உள்ளத்தைக் கவற்றுதலின், ‘‘ஆறாத அன்பு’’
என்றாள். ‘‘அன்பினவர்’’ என்றதில், இன்னும்,
அகரமும் ஆகிய இருசாரியைகள் வந்தன. வேறாக - பேரன்பர்
அல்லாத பிறராக. இவர் சிறிதன்பு உடையவர். வீறாடி - அவர்
அனைவரினும் பெருமை பெற்றவளாய். உன்னைப் பொது நீப்பான்-
உன்னைத் தன் ஒருத்திக்கே உரியனாகச் செய்து கொள்ளுதற்கு,
விரைந்து- விரைதலைக் கொண்டு. இன்னும் தேறாள் - இன்னும்
அம்மயக்கம் தெளியப்பெற்றிலள். ‘இறைவனை ஒருத்தி தனக்கே
உரியனாகச் செய்துகொள்ளுதல் இயலாத தொன்றாதலின்,
அவ்வெண்ணத்தை மயக்கம்’ என்றாள். ‘காதல் மிகுதியால்
இன்னதோர் எண்ணம் இவட்குத் தோன்றிற்று’ என்பதாம். |