35. இணங்கு-ஒப்பு. ‘சித்தத்தினேற்குக் கண் காணா; வாய் பேசாது’
என இயையும். எனவே, இஃது ஏனைத் திருப்பாட்டுக்களினும் சென்று
இயைவதாதல் அறிக. மணங்கொள்-பல விழாக்களைக்கொண்ட ‘தில்லை
வாணனது மணத்தை (கூட்டத்தை)ப் பெற்ற அடியார்’ என்க.
வண்மை-வளப்பம்; சிறப்பு. வீறுஇல்-பெருமை இல்லாத, ‘கோரம்’
என்பதில், ரகரம் றகரமாயும், அகரமாயும் திரிந்து நின்றன.
கோரம்-கொடுமை. பீறல் பிண்ட-ஓட்டை உடம்பையுடைய. உயிர்
வாழ்தலால் பயன் இன்மையின், ‘‘பிணங்கள்’’ என இகழ்கின்றவர்,
அக்காரணத்தானே உடம்பின் இயல்பை விதந்தோதினார்.
பிதற்றுதலுடைமை பற்றி, ‘பேய்கள்’ என்றார். |