189.

களையா உடலோடு சேரமான் ஆரூரன்
விளையா மதம்மாறா வெள்ளானை மேல்கொள்ள
முளையா மதிமுடி மூவா யிரவரொடும்
அளையா விளையாடும் அம்பலம்நின் ஆடரங்கே.      (5)
 

189.     ‘சேரமானொடு’  என  உடனிகழ்ச்சிப்  பொருளில்  வரும்
ஓடுவுருபு     விரிக்க.    ‘மதம்    விளையா’    என     மாற்றுக.
விளையா  - விளைந்து;  பெருகி.   மாறா - நீங்காத.  மேற்கொள்ள - 
ஏறிச்     செல்லும்படி.  முளையாம் -   இளைதாகிய.   அளையா  -
கலந்து.  ‘மேற்கொள்ள  விளையாடும்’  என இயையும். ‘மேல் கொள்ள
விளையாடும்    அம்பலம்    நின்     ஆடரங்கே’   என்றாராயினும்.
‘மேல்கொள்ள   விளையாடி   ஆடு   அரங்கு  அம்பலமே’  என்பது
கருத்தென்க.