173.

173.     முதலடியை இறுதியடியின்முன் கூட்டுக. ‘ஓர் பாந்தள்’ என
இயையும்.     பைய-படத்தை     யுடைய.           பாந்தள்-பாம்பு.
உமிழ்ந்து-உமிழ்தலால்;  இது,  ‘‘காதல்  செய்’’  என்பதனோடு முடியும்.
‘சிவபெருமானது  திருச்செவியில் செம்பொன்   தோடேயன்றிப் பாம்பும்
குழைபோல    உள்ளது’    என்க.   ஐய-அழகிய.    மொழுப்பு-முடி.
‘மொழுப்பினால்   அழிகின்ற   அழகிய   திருநீறு’  என்க.   திருநீறு
அழிதற்குக்  காரணம்  முன்னே  (பாட்டு-170)  கூறப்பட்டது.   வெய்ய
செஞ்சோதி   மண்டலம்-ஞாயிற்று  மண்டலம்.  ‘ஞாயிற்று   மண்டலம்
விளங்க  அதனிடையே  மிக்க  இருளையுடைய  நள்ளிரவும்  உள்ளது
போலத்  தோன்றுகின்ற  கரிய  நிறத்தை  ஒருபுடைகொண்ட   சிவந்த
கழுத்து’  என்க.  மைய-கருநிறத்தையுடைய.   ‘செம்பொற்றோட்டையும்,
அழகிய திருநீற்றையும், செங்கண்டத்தையும் உடைய கோன்’ என்க.