2. சேந்தனார் திருவிசைப்பா
7. திருவிடைக்கழி
73. | குணமணிக் குருளைக் கொவ்வைவாய் மடந்தை
படுமிடர் குறிக்கொளா தழகோ
மணமணி மறையோர் வானவர் வையம்
உய்யமற் றடியனேன் வாழத்
திணமணி மாடத் திருவிடைக் கழியில்
திருக்குரா நீழற்கீழ் நின்ற
கணமணி பொருநீர்க் கங்கைதன் சிறுவன்
கணபதி பின்னிளங் கிளையே. (5)
|
73. குண மணிக் குருளை-நற்பண்பினையுடைய சிறந்த வீரமுடைய
சிறுவன்; முருகன். ‘‘குருளை’’ என்றது சிங்கக் குட்டியை. இஃது உவம
ஆகுபெயராய், அதுபோலும் சிறு வனைக் குறித்தது. ‘குறிக்கொளாதது
என்பது குறைந்து நின்றது. மணம் அணி மறையோர்- மங்கல
விழாக்களை அழகு படுத்துகின்ற அந்தணர். மறையோரை
வையத்தாரினின்று வேறு பிரித்தது, சிறப்புப் பற்றி. ‘வாழ நின்ற’
என இயையும். ‘திண்ணம்’ என்பது இடைக்குறைந்து, ‘‘திணம்’’
என வந்தது, ‘திண்மையாகிய மாடம்’ என்க. கண மணி-கூட்டமாகிய
இரத்தினங்களையுடைய. இளங்கிளை - தம்பி. |