288.

ஏயு மாறெழிற் சேதிபர் கோன்தில்லை
நாய னாரை நயந்துரை செய்தன
தூய வாறுரைப் பார்துறக் கத்திடை
ஆய இன்பம் எய்தி யிருப்பரே.                   (10)

திருச்சிற்றம்பலம்
 

288. ஏயுமாறு-பொருந்தும்     வகையில். ‘சேதிபர்கோன்  தில்லை
நாயனாரை     ‘ஏயுமாறு     உரைசெய்தன’     எனக்     கூட்டுக.
சேதிபர்-சேதிநாட்டவர்.  சேதியர்’ எனப் பாடங்கொள்ளுதல்  சிறக்கும்.
கோன்-அரசன்.  ‘‘சேதிபர் கோன்’’ என்றதனால் ‘சேதிராயர்’  என்னும்
பெயர்க்  காரணம்  விளங்கும். நயந்து-விரும்பி.  உரைசெய்தன-பாடிய
பாடல்கள்.    தூயவாறு-எழுத்துப்பிழை    முதலியன   இல்லாதவாறு.
‘‘துறக்கம்’’    என்றது    இங்கு.    ‘உடலைத்    துறந்து   சென்று
அடையப்படுவது’ எனக் காரணப்பெயராய்ச் சிவலோகத்தைக் குறித்தது.
ஆய  இன்பம்-அடையத்  தக்கதாய  இன்பம்;  சிவானந்தம்.   ஏனை
இன்பங்கள்   அன்னதாகாமை   அறிக.   இத்திருப்பாடலின்   ஈற்றடி
ஈற்றயற்சீர் வேறுபட்டு வந்தது.