223.

செற்று வன்புரந் தீயெழச்சிலை
   கோலி ஆரழல் ஊட்டினான் அவன்
எற்றி மாமணிகள் எறி
   நீர்த்தில்லை யம்பலவன்
மற்றை நாட்ட மிரண்டொ டுமல
   ருந்திரு முகமும் முகத்தினுள்
நெற்றி நாட்டமன்றே நெஞ்சு
   ளேதிளைக் கின்றனவே.                     (9)
 

223.    செற்று- சினந்து. சிலை-வில். கோலி-வளைத்து. ‘‘அவன்’’
என்பது  பகுதிப்பொருள்  விகுதி.  நாட்டம்-கண், ‘‘நெற்றி  நாட்டம்’’
என்பதில்     எண்ணும்மை   தொகுக்கப்பட்டது.  திளைக்கின்றன -
உலாவுகின்றன.