34. ‘‘வேறாக உள்ளத்து உவகை விளைத்து’’ என்பதை’
‘‘ஆளவல்லாய்’’ என்பதன் முன்னர்க் கூட்டுக. வேறாக - தனியாக;
என்றது. ‘அந்தரங்க உரிமையாக’ என்றபடி. தன்னையும்
மூவாயிரவரொடு படுத்து இவள் இவ்வாறு கூறியது, தனது காதல்
மிகுதியாலாம். எனவே, இதனான் இவ்வாசிரியரது பேரன்பு
விளங்குவதாம். அவனிச் சிவலோகம் - தில்லை, ‘அவனிச் சிவலோக
மூவாயிரவர்’ என, இயையும். ‘தில்லை அவனிச் சிவலோகம்’ எனவே,
அதன்கண் வாழும் மூவாயிரவர் அவனிச் சிவர் என்பது விளங்கும்.
இதனை ‘‘நீலத் தார்கரி யமிடற்றார்நல்ல நெற்றிமேல் உற்ற
கண்ணீனார்பற்று-சூலத்தார்சுட லைப்பொடி நீறணி வார்சடையார்
-சீலத் தார்தொழு தேத்துசிற் றம்பலம்’’ (திருமுறை-3, 1, 3) என
அருளிச்செய்தமையானும், அவ்வருளிச்செயலின் வரலாற்றாலும் (பெ.
பு. ஞானசம்-168-174) நன்குணர்ந்து கொள்க. வேத வன்றி- வேதத்தை
ஓதுதலானும், அதன்வழி வேட்டலானும் பெற்ற வெற்றி. ‘இவ்வெற்றி
என்றும் மாறாது நிற்கும் மூவாயிரவர்’ என்க. ஆறு ஆர் சிகரம்- பல
யாறுகள் பொருந்திய கொடுமுடி. பொருந்துதல், தோன்றுதல் இனி,
‘வான யாற்றை அளாவிய சிகரம்’ என்றலுமாம். ‘‘உன் அடியார் பிழை
பொறுப்பாய்’’ என்றது தம்பாடலைப் பொறுக்கவேண்டுமென்னும்
குறிப்பினது. இஃது ஒரு பெயர்த் தன்மைப்பட்டு, ‘‘மகேந்திரத்து’’
என்றதனை முடித்தது. அமுது-பெண்ணமுதாய மலைமகள். ‘மாதோர்
கூறாய்’ என்பது பாடம் அன்று. |