220.

குதிரை மாவொடு தேர்ப லகுவிந்
   தீண்டுதில்லையுட் கொம்ப னாரொடு
மதுர வாய்மொழி யார்மகிழ்ந்
   தேத்துசிற் றம்பலவன்
அதிர வார்கழல் வீசிநின்றழ
   காநடம் பயில் கூத்தன் மேல்திகழ்
உதர பந்தனம்என் னுள்ளத்
   துள்ளிடங் கொண்டனவே.                     (6)
 

220.  மா-யானை.      ஈண்டு - நெருங்குகின்ற.        கொம்பு
அன்னார்-பூங்கொம்புபோலும் ஆடல் மகளிர். மதுர வாய் மொழியார்-
இனிய   இசைப்பாட்டைப்  பாடுகின்றவர்.  அதிர-ஒலிக்க.  ‘வார்கழல்
அதிர’  என  மாற்றி,  வீசுதலுக்கு,  ‘கால்’என்னும்  செயப்படுபொருள்
வருவிக்க.   ‘‘கூத்தன்’’  என்றது  அவனது  திருமேனியைக்  குறித்த
ஆகுபெயர்.  கச்சு,  மேற்கூறப்பட்டமையின்,  உதரபந்தனம் அதனின்
வேறென்க.  உதர  பந்தனம்  -  வயிற்றின்மேல்  உள்ள கட்டு, கச்சு,
அரையில் கட்டப்படுவது. ‘‘கொண்டன’’ என்ற பன்மையால் இது  பல  

சுற்றுக்களை    உடையதாதலும்    பெறப்படும்.     இதனுள்,  ‘‘அழ,
உள்ளத்து’’ என்பன கூன்.