முகப்பு

தொடக்கம்

155. மற்றவ னிசைந்த வார்த்தை கேட்டவர் வள்ள                                 றன்னைப்     பெற்றவர் தம்பாற் சென்று சொன்னபின் பெருகு                                   சிந்தை யுற்றதோர் மகிழ்ச்சி யெய்தி மணவினை யுவந்து                                  சாற்றிக் கொற்றவர் திருவுக் கேற்பத் குறித்தநா ளோலை                                 விட்டார். 9      (இ-ள்.) வெளிப்படை. இசைந்ததனை அவ்வாறு கேட்ட முதியோர் ஆரூரரைப் பெற்றோரிடம் சென்று அறிவித்தனர். அவர் மனமிக மகிழ்ந்து, ஆரூரர் காதற் றந்தையாகிய அரசர் சிறப்புக் கேற்றபடி திருமணத்தை அறிவிக்குமாறு குறித்து எழுதிய நாளோலையைப் பெண் வீட்டாருக்கு அனுப்பினார்கள்.      (வி-ரை.) கேட்டவர் - மணத்திறம் செப்பிப் பெண்கேட்க வந்தவர். இந்த வார்த்தையை நேரே கேட்டவர் என்றலுமாம்.      வள்ளல் - நம்பிஆரூரர். தென்றிசை வாழ்ந்திடவும் தீதகன்றுலகமுய்யுவும் தேவார அருண்மொழிகளை வரையாது கொடுப்பவர். உலகமுய்யும் வழிகளை அருள்பவர்.      கொற்றவர் திருவுக்கேற்பக் குறித்த - நாளோலையிற் குறித்த பொருள்கள் நம்பியாரூரரைப் பெற்ற சடையனாரது மரபுக் கேற்பனவோ? அன்றிக் காதற்றந்தையாகிய நரசிங்கமுனையரையர் தகுதிக் கேற்பனவோ என்று ஐயம் நிகழ்த்துவோரை நோக்கி இவ்வாறு கூறினார்.      நாளோலை - ஒரு சொல் நீர்மைத்தாய் மணநாளும் ஓரையும் குறித்தெழுதிய ஓலையைக் குறித்தது. இது மணமகன் வீட்டார் மணமகள் வீட்டார்க்கும் எழுதுவது. இவற்றின் விரிவைத் திருஞானசம்பந்த நாயனார் புராணத்துட் காண்க.      குறித்த - நாள் குறித்து. நாள் ஓலை என்று பிரித்து, ஓலை குறித்து என்றும் அரசர் திருவுக்கேற்ப நாள் என்றும் கூட்டி உரை கூறுவாருமுளர்.      குறித்துநாள் - என்பதும் பாடம். 9

மேல்