| 248.
|
எண்ணில்
பேருல கனைத்தினு முள்ள
வெல்லை யில்லழகு சொல்லிய வெல்லா |
|
| |
மண்ணி
லிப்பதியில் வந்தன வென்ன
மங்க
லம்பொலி வளத்தன வாகிப்
புண்ணி யப்புனித வன்பர்கண் முன்பு
புகழ்ந்து
பாடல்புரி பொற்பின் விளங்கும்
அண்ண லாடுதிரு வம்பலஞ் சூழ்ந்த
வம்பொன்
வீதியினை நம்பி வணங்கி, |
102 |
(இ-ள்.)
எண்ணில்......ஆகி - எண்ணில்லாத பெரிய உலகங்கள்
எல்லாவற்றினும் உள்ள எல்லையில்லாத அழகுகள் என்று
சொல்லப்பெற்றவை யெல்லாம் ஒருங்கே திரண்டு பூவுலகத்தே
இத்தலத்திலே வந்து கூடின என்று சொல்லும் படி
மங்கலம்
பொருந்தும் வளங்களையுடையனவாய்; புண்ணிய.......வணங்கி -
புண்ணியப் புனித அன்பர்கள் முன்னர்ப் புகழ்ந்து பாடும் அழகிலே
விளங்கி, இறைவன் ஆடுகின்ற திருவம்பலத்தைச் சூழ்ந்திருக்கும்
உள்வீதியினை நம்பிகள் வணங்கிக் கொண்டுபோய்,
இவ்விரண்டு பாட்டுக்களும் ஒரு முடிபுபெற்றன. மங்கலம்
பொலிவளத்தனவாகி - பொற்பின்விளங்கும் - சூழ்ந்த வீதியினை -
வணங்கி; தேவர் நெருங்கி - முனிவர் துன்னி அயல்நிற்ப - அன்பர்
- கணநாதர் - புகும் வாயிலிறைஞ்சிக் குவித்த கை தலை மேற்
கொடு - நம்பி - புக்கார் என்று கூட்டி முடித்துக்கொள்க.
(வி-ரை.)
இப்பாட்டிற் கூறியது அம்பலஞ் சூழ்ந்த அகவீதியின்
நிகழ்ச்சியாம்.
பேருலகு அனைத்தினும்
- மேலேழும் கீழேழுமாகிய
உலகுகள். எண்ணில்லாத அண்டங்கள் என்றலுமாம். கந்தபுராணம்
அண்டகோசப்படலம் முதலியவற்றுட் காண்க. இறைவனைத்
தரிசிக்கவும் அவிகொள்ளவும் எல்லாத் தேவர்களும் வந்தனராதலின்
அவ்வவர் உலகங்களின் அழகுகள் எல்லாம் வந்தன என்ற குறிப்பு.
வளத்தன
- மேற்பாட்டிற் சிறப்பாய்க் குறித்துச்
சொல்லப்பெற்றவையேயன்றி எங்கும் உள்ள எல்லா அழகுகளும்
கூடிய வளங்களை யுடையன. எல்லாம் - எல்லாமும். முற்றும்மை
தொக்கது.
புகழ்ந்து பாடல்புரி
பொற்பு - இது மேலே சொல்லிய
ஏனை உலகெங்கும் இல்லாத சிறப்பியல்பாதலின் அழகு சொல்லிய
எல்லாமும் என்ற முற்றும்மையில் அடங்காது. ஆதலின் பொற்பு
எனத் தில்லைக்கே உரிய சிறப்பியல்பாய் வேறு பிரித்துக் கூறினார்.
மேலே வரிசை 245-ல் “கொண்ட போற்றிசைக்கு மொலி“ என்றது
தேவதேவர் எழுந்தருளும் தேர்வீதியின் நிகழ்ச்சி.
புண்ணியப் புனித அன்பர்
- புண்ணியமும் புனிதமும்
அன்பும் ஒருங்கே நிறையப்பெற்றவர்கள். புண்ணியர், புனிதர் அன்பர்
எனவும், புண்ணிய அன்பர், புனித அன்பர் எனவும், புண்ணியப்
புனித அன்பர் எனவும் உரிய பலவகையிற் பிரித்துரைத்தலுமாம்.
முன்பு -
அன்பர்களும், சிவகணநாதர்களும், தேவர், முனிவர்
முதலிய எல்லாருக்கும் முன்னே நிற்கவும் எல்லாக் காலத்தும்
சேவிக்கவும் உரிமையுடையார் என்பதும் ஆம். வரிசை 17, 18, 20
பாட்டுக்களையும் ‘தொண்டர்கள்பின் உம்பர் குழாம் மல்கு திருக்
காளத்தி மாமலை' (திருநா - புரா - 343), ‘வாழ்ந்திமையோர்
குழாநெருங்கு மணி நீள்வாயில் மருங்கிறைஞ்சி யுட்புகுந்து'
(திருஞான - புரா - 1022) முதலிய திருப்பாட்டுக்களையும் காண்க.
முன்பு - என்பதன் விரிவை அடுத்த பாட்டிற் கூறினார். முன்பு
-
முற்காலத்து என்று உரைப்பது மொன்று.
இத் திருவீதி அம்பலத்தை அடுத்துச் சூழ்ந்ததாதலின்
இதனைக்
கண்டவுடனே இதிற் போந்து பாடிய பேரன்பர்களின் நினைவு
உண்டாவது இயல்பாம். திருமூலர் - மாணிக்க வாசகர் - திருஞான
சம்பந்தர் - திருநாவுக்கரசர் - ஐயடிகள் காடவர்கோன் - முதலிய
நாயன்மார்களை இங்கு நினைவூட்டியவாறு. வேதம் - உபநிடதங்கள்
- சிவரகசியம் - திருமூலர் திருமந்திரம் - திருவாசகம் - தேவாரம்
முதலிய எல்லாம் இதனைப் பாடுகின்ற தன்மை
நினைவூட்டப்பெற்றதாம். 102
|
|
|
|