(வி-ரை.) ஏறு சேவகன் - எருதின்மேல் வரும் சேவகன்.
எருதைக்கொடியாக உயர்த்திய சேவகன் என்றலுமாம். எல்லாரிலும்
உயர்ந்த சேவகன் என்பது ஒரு பழைய உரைக்குறிப்பு. சேவகன் -
சேவைக்கு இலக்கியமானவன், தலைவன். அடியவர்க்கு ஏவல்
செய்வான்போல வேலை செய்தலின் ஆள் என்றலுமாம்.
நம்பிகளுக்குத் திருக்கருசூரில் சோறு இரந்து கொண்டு வந்து
கொடுத்தலும், விறகு விற்றதும் முதலிய அருளிப்பாடுகளை நோக்குக.

என்ற திருவெம்பாவையும் காண்க. சேவகன் - வீரன் என்றலுமாம்.
இறைவனை வேதம் வீரன் என்பதும் காண்க. ஏறு உடைய சேவகன்
என்ற பொருளில் “நாடு கிழவோன்“, “கறைமிடறணியல்“
என்புழிப்போல்

     ஒற்றிரட்டாதாயிற்று - என்பர். வேண்டும் அதனையே அருள
வேண்டி - வேண்டுவார் வேண்டுவதே யீவான் கண்டாய்“ என்பது
இறைவனது இலக்கணம். “இவர்க்கியா னடியேனாகப், பண்ணுநா
ளெந்நாள்? என்று பரமர் தாள்பரவிச் சென்றார்“ (335) நம்பிகள்
ஆதலின் அதனையே அருள்வதற்காக என்பது. “வேண்டத் தக்க
தறிவோய்நீ வேண்ட முழுதுந் தருவோய் நீ“ - திருவாசகம்.

     மன்னுசீர் அடியார் - மன்னும் அடியார் என்க. இறைவன்
நித்தன்; அதுபோலவே அவன் அடியார்களும் நித்தர் என்பதாம்.
மன்னும் என்பதனைச் சீர் என்பதற்கடைமொழியாக்கி அடியார்களது
நிலைபெற்ற சீர் என்றுரைப்பதுமாம். ஏனையோர் சீர்கள் மன்னுவன
அல்ல; அவை ஒன்றும் நிலையா; ஆதலின் அடியார்கள் சீரே மன்னு
சீர் எனப்பெறும். “பொருள் சேர் புகழ்“ என்ற இடத்துப் பரிமேலழகர்
உரை காண்க.

என்ற பட்டினத்தடிகள் திருவாக்குக் காண்க.

     சீர் - சிறப்புக்கள் - சீர்த்திகள். சிவகரகசியத்திலே
இவ்வடியவர்கள் வருவார்கள் என்று இறைவன் உமாதேவியாருக்கு
உணர்த்தியருளினார்; கந்தர் அதனைச் சைகிஷவ்ய முனிவருக்கு
அருளினார்; பொல்லாப்பிள்ளையார் இவர்களது பெருமைகளை
நம்பியாண்டார் நம்பிகளுக்கு உபதேசித்தருளினார்; உபமன்ளியர்
முதலிய முனிவர்களும் நந்திதேவர் முதலிய கணநாதகர்களும்
துதித்துள்ளார்கள்; இன்றைக்கும் பலரும் இவர்களை வணங்கி
யடைந்து வாழ்கின்றார்கள் என்பனவாதி சிறப்புக்கள்.

     வழித்தொண்டு - வழிவழியாக இடையறாது தொடர்ந்துவரும்
திருத்தொண்டு. “பூதபரம்பரை பொலிய“ என்றமை காண்க.

முதலிய திருவாக்குக்கள் காண்க.

     உணர நல்கி - அவனைப்போலவே அவன்
உணர்த்தினாலன்றி உணரவும் ஓதவும் படாத இலக்கணமுடையார்
அவனடியார்கள்; ஆதலின் அவன் உணரநல்கினான். 195