36.	முன்ன மாங்கவன் மொய்ம்முகை நாண்மலர்
	என்னை யாட்கொண்ட வீசனுக் கேய்வன பன்ம லர்கொய்து செல்லப் பனிமலர் அன்ன மன்னவ ருங்கொண் டகன்றபின்.	26

     (இ-ள்.) முன்னம் - முன்னே; ஆங்கவன் ... செல்ல -
அங்கிருந்து ஆலாலசுந்தரர் வண்டுகள் மொய்க்கும் தருணத்திலே,
புதுமலர்களில், என்னை ஆளுடைய இறைவனுக்கு விதிக்கப்பெற்ற
பலவற்றையும் கொய்து கொண்டு செல்லுதலும்; பனிமலர் ...
அகன்றபின் - அவ்வண்ணமே குளிர்ந்த பூக்களைக்
கொய்துகொண்டு அன்னம்போன்ற அச்சேடியர்களும் போயின
பின்னர்;

     (வி-ரை.) முன்னம் - காட்சியின்மேல் சொல் முதலியன
நிகழ்வதன்முன். சேடியர் அகல்வதன் முன் என்றலுமாம். எனவே,
அவர்களுக்குப் பின்னர் வந்த சுந்தரர் முன்னரே சென்றனர்
என்பதாம்.

     மொய்ம்முகை நாண்மலர் - வண்டுகள்
மொய்க்கக்கூடியனவாய் அப்போது மலருந் தன்மை வாய்ந்த
“மொட்டறாமலர்”; மொய்ம்முகையாகிய நாண்மலர். மேலே 34-ம்
பாட்டில் “கொந்து கொண்ட திருமலர்” என்பதன் கீழ்க் குறிப்புரை
காண்க.

     நாண்மலர் - என்பது அலருந் தருணத்தையும், பன்மலர் - என்பது மலர்களின் பற்பல தொகை வகைகளையும் குறித்தன.
நாண்மலராகப் பன்மலர் கொய்து என்க.

     ஏய்வன - ஏய்வனவாகிய. இதனைப் பனிமலர் என்பதனோடும் சேர்க்க.

     பனிமலர் - நாயகன் பூசைக்கு ஏய்வன பலவும் நாயகி
பூசனைக்கு ஆகாமையினால் ஆலாலசுந்தரர் கொய்தவை பன்பலர்
என்று குறித்த ஆசிரியர், சேடியர் கொய்தவை பனிமலர் என்று
மட்டும் குறித்தனர் போலும்.

எனவும் வரும் புறனடை விதிகளால், விதிப்படிக்குள்ள பூக்கள் கிடையாத போது எல்லாப் பூவும் பூசைக்கு ஆகும் என்பது நாயகன்
பூசைக்கு உரியது. நாயகி பூசைக்கு அவ்வாறு விதியில்லாமையும்
கூறுவர்.  26