தொடுப்பன
செருந்தி - பரத்தியர்அணிந்துகொள்வதற்காகச்
செருந்தியைத் தொடுப்பர். மீன்விலைப்பரத்தியராயினும் தம்மை
அணிசெய்து கொள்ளும் பழக்க முடையவர்கள் என்பதும், அவ்வாறு
அணிவதில் அந்நிலத்துப் பூவினையே பயன் படுத்திக்கொள்ளு
மியல்புடையவர் என்பதும் குறிப்பு.
ஆய
- அந்நிலத்தின் ஆகிய. அளம் - உப்பளம்.
உப்புவிளைத்துச் சேர்க்குமிடம் அளம் எனப்படும்.
அளத்தில்
வாழுமக்களுள் ஆண்மக்கள் அளவர் - அளத்தவர் - எனவும்,
பெண்மக்கள் அளத்தியர் எனவும் பெயர் பெறுவர்.
சாயல்
மென்நடை - சாயலுக்கு மயிலையும், நடைக்கு
அன்னத்தையும் உவமித்தல் மரபு. இதனால் அவர்களது
இயற்கையழகினையும், தொடுப்பன செருந்தி என்றதனால்
செயற்கையழகினையும் கூறியவாறு. மேல் வரும் பாட்டில்
"வடுவகிர்க்கண் மங்கையர்" என்றதும், 1115-ல் "விழிக்கயல்"
என்றதும் காண்க. பரதவ சாதியினர் மீனாட்சியம்மையாரைத்
தங்கள் மகளாராய்ப் பெற்று வளர்த்த சரிதத்தை உட்கொண்டு ஆசிரியர் இவ்வாறு சிறப்பித்தனர்
போலும்.
அளப்பன
தரளம் - தரளம் - நன்முத்துக்கள். இவை
கடல்படுபொருள்கள்.
அளப்பன
என்ற ஆற்றலான் அவை மிகுதியும் பெறப்படும்
தன்மை குறிக்கப்பட்டது.
தொடுப்பன
வலைகள் - அளப்பன உப்பு என,
வன்மையான தொழில்களை ஆண்பாலரிடத்தும், தொடுப்பன
செருந்தி - அளப்பன தரளம் என மென்மையும் மேன்மையும்
பட்ட தொழில்களைப் பெண்களிடத்தும் சார்த்திக் கூறிய உண்மை
உய்த்துணர்க. இவ்வாறே மேல்வரும் பாட்டில் கொழுமீன்
கொடுத்தல் - சங்கு குளித்தல் என்னும் வலிய தொழில்களை
நுளையரும்,பவளம் விற்றல், மணற்கேணி குளித்தல் என்பவை
நுளைச்சியரும் செய்தலைக் கூறுதலும் கருதுக. இதனால்
ஆண்பாலரும் பெண்களும் தத்தம் உடல் இயல்புக்கும் மன
இயல்புக்கும் ஏற்ற தொழில்களைச் செய்தலே
முறையாமென்பதனையும் குறித்தவாறு கண்டு கொள்க. 653-ல்
உரைத்தவையும் பார்க்க.
செருந்தி
- நெய்தனிலப் பூ; தரளம் - கடலிற் படுபொருளும்,
உப்பு - நெய்தலின் விளைபொருளும் ஆம். மீன் படுத்தல்
-
நெய்தனிலச் செய்தொழில். இவை நெய்தற் கருப்பொருள்கள்.
சேய
நீள் விழி - நெடுந்தூரத்தே நின்ற பொருள்களையும்
கண்டு அளக்கும் தன்மை வாய்ந்த என்ற குறிப்பும் காண்க.
"வியலளக்கரின் விடுந்திமில் வாழ்நர்கள் கொணர்ந்த, கயல ளப்பன
பரத்தியர் வரிநெடுங் கண்கள்" (அதிபத்தர் - புரா - 6) என்றது
காண்க. மென்னடையின் சிறப்புப்பற்றி "ஓதிமம் அசைநடைக் கழிந்து
- மருங்கு நின்றிழி யலமருளும்" (அதிபத்தர் - புரா - 7) என்று
கூறுவதும் இங்கு நினைவு கூர்தற்பாலது.
மெல்லிடை
- என்பதும் பாடம். 34