(இ - ள்.) கட்டு அவிழ் கடுக்கை அண்ணல் - முறுக்கு அவிழ்ந்த
கொன்றை மலர் மாலையை அணிந்த இறைவனது, கண்ணினால் அவிழ்ந்த
காளை - நுதற் கண்ணினால் நீறாகிய மதவேள், மட்டு அவிழ் மலரோனாலும்
- மணத்தொடு மலர்ந்த தாமரை மலரில் இருக்கும் பிரமனாலும், மாயவனாலும்
காக்கப்பட்டவன் அல்லன் - திருமாலினாலும் காக்கப்பட்டிலன்; அன்னான்
நுதல் விழிப்படுதீ - அவ்விறைவனது நெற்றிக் கண்ணில் உண்டாகிய நெருப்பு
நம்மைச் சுட்டபோது - நம்மை வெதுப்பிய பொழுது, உருப்பம் தீர்த்து -
அவ்வெம்மையைப் போக்கி, இச்சுவண கஞ்சம் காத்தது - இப்பொற்றாமரைத்
தடம் ஓம்பியது.

     காமனைச் சிவபிரானிடத்து ஏவிய பிரமனும், காமனுக்குத் தந்தையாகிய
திருமாலும் அவனைக்காக்கும் வலியுடையரேல் காத்திருப்பர்; அவர்களாலும்
காக்க வொண்ணாத இறைவனது நுதல்விழிச் செந்தீயின் வெம்மையை மாற்றி
இப்பொற்றாமரை காத்தது; என இறைவனது முதன்மையும், பொற்றாமரையின்
மேன்மையும் புலப்பட அவ்வரலாறு குறிக்கப்பட்டது. (3)

     (இ - ள்.) இப்பெருந்தடமே - இந்தப் பெருமை வாய்ந்த தீர்த்தமே,
எம்மை எம்மையும் காப்பது என்னா - எம்மை எப்பிறப்பிலும் ஓம்புவதாகும்
என்று கருதி, கப்பு இலா மனத்தால் - பிளவுபடாத (ஒன்றுபட்ட) மனத்துடன்,
மூன்று காலமும் மூழ்கி மூழ்கி - மூன்று காலங்களிலும் அதில் நீராடி,
அப்பனை ஆலவாய் எம் அடிகளை - எல்லா உயிர்கட்கும் அத்தனும்
திருவாலவாயில் அமரும் எமது இறைவனும், அடியார் சேமவைப்பினை -
அடியார்களின் சேமநிதியுமாகிய சோமசுந்தரக் கடவுளை, இறைஞ்சி நித்தம்
வழிபடும் நியமம் பூண்டான் - வணங்கி நாள் தோறும் வழிபடுகின்ற
கடப்பாட்டினை மேற்கொண்டான்.

     எம்மையும் - எப்பிறப்பினும்; இம்மையினும் மறுமையினும் என்றுமாம்.
அடியார் சேம வைப்பினை என்ற கருத்தை,

எனத் திருவாசகத்தும்,

என வன்றொண்டர் தேவாரத்தும் காண்க. (4)