[கலிவிருத்தம்]

வேத நாயகன் வெம்பழி யஞ்சிய நாத னான நலனிது நல்கிய தாதை யைக்கொலை செய்த தனயன்மா பாத கந்தனைத் தீர்த்தமை பாடுவாம்.

     (இ - ள்.) வேத நாயகன் - வேதங்கட்கு இறைவனாகிய சோம சுந்தரக்
கடவுள், வெம்பழி அஞ்சிய நாதன் ஆன நலன் இது - கொடிய பழியினை
அஞ்சிய நாதனாகிய திருவிளையாடல் இதுவாகும்; நல்கிய தாதையைக்
கொலை செய்த தனயன் மாபாதகம் தனைத் தீர்த்தமை பாடுவாம் - (இனி
அக்கடவுள்) பெற்ற தந்தையைக் கொலை புரிந்த புதல்வனது மாபாதகத்தை
நீக்கிய திருவிளையாடலைக் கூறுவாம்.

     நலன் - நன்மையாகிய திருவிளையாடல். தந்தையாக எண்ணப்படுவார்
பிறருமுளராகலின் 'நல்கியதாதை' என்றார். (1)

     (இ - ள்.) விரைசெய்ய மாலைக் குலோத்துங்க மீனவன் - மணம்
வீசும் மாலையையணிந்த குலோத்துங்க பாண்டியன், திரைசெய் நீர் நிலம்
செங்கோல் செல - அலைகள் வீசும் கடல் சூழ்ந்த புவி முழுதும் தனது
செங்கோல் செல்ல, தனி அரசு செய்யும் அந்நாளில் - பொதுக் கடிந்து
ஆட்சி புரியும் அக்காலத்தில், ஒரு பூசுரன் அவந்தி என்று உரைசெய்மா
நகரான் - ஒரு வேதியன் அவந்தி என்று கூறப்படும் பெரிய நகரத்தில்
இருந்தனன்.

     மீனவன் - மீனக்கொடியை யுடையவன்; பாண்டியன். உலக முழுதும்
இனிதாகச் செங்கோல் நடக்க என்பார் 'திரைசெய் நீர் நிலஞ் செங்கோல்
செல' என்றார். நகரான் என்பதனை நகரத்திருப்பானாயினன் என விரிக்க. (2)

     (பா - ம்.) * காமன்றன் றேவியும்.