(இ - ள்.) ஆங்கு - அம்மலையினிடமானது. வெண்துகில்
விரித்தென -வெள்ளிய ஆடையை விரித்தாற் போலத் (தோன்றி), கல்லென
ஆர்த்து - கல்லென்று ஆரவாரித்து, வீங்குகால் - உயர்ந்த கால்களை
யுடைய, அருவித்திரள் வெள்ளம் அன்றி - அருவியாகிய திரண்ட
வெள்ளத்தைச் சொரிதல் அல்லாமல், ஓங்கும் நான்மறைக் குடுமியின் உள்
ஒளி நோக்கி - உயர்ந்த நான்கு மறைகளின் முடியினுள் விளங்கும்
ஒளிப்பிழம்பை (அகத்திற்) கண்டு, தூங்கு மாதவர் கண்களும் - அழுந்திக்
கிடக்கின்ற பெரிய முனிவர்களின் கண்களும், வெள்ளம் சொரிவன -
ஆனந்த அருவியாகிய வெள்ளத்தைப் பொழிவனவாம் எ - று.

     ஆங்கு - அவ்விடம் : எழுவாய். அருவி வெண்டுகில் விரித்தாற் போலுமென்பதனை,

எனப் பெருங்குறிஞ்சியுட் கூறியவாற்றானு மறிக. வெள்ளத்தைச்
சொரிதலன்றி என விரித்துரைக்கப்பட்டது. ஒளி - இறைவன் றிருவுரு.
தூங்குதல் - அழுந்தி நிற்றல்; இதனையே தூங்காமற் றூங்கல் என்பர்.
'ஒளி நோக்கித் தூங்கும்' என்பதிலுள்ள அணி நலமுல் காண்க.
எச்சவும்மை. (5)

     (இ - ள்.) கோட்டு மாமலர் - பெருமை பொருந்திய கோட்டுப்
பூக்கள், நிலமலர் - நிலப்பூக்கள், குண்டு நீர்எடுத்துக் காட்டும் மாமலர் -
ஆழமாகிய நீர் உயர்த்திக் காட்டுகின்ற பெருமை பொருந்திய நீர்ப்
பூக்கள், கொடி மலர் கொண்டும் - கொடிப் பூக்கள் ஆகிய இந்நால்
வகைப் பூக்களைக் கொண்டும், உள்கரைந்த - உள்ளம் உருகிக் கூறிய,
பாட்டு மாமலர் கொண்டும் - பாட்டாகிய பெருமை பொருந்திய
மலர்களைக் கொண்டும், நம் பரஞ்சுடர் அடியில் சூட்டும் - நமது
பரஞ்சோதியாகிய சிவபிரான் திருவடிகளிற் சூட்டுகின்ற, மாதவர்
தொகுதியும் - பெரிய தவத்தினையுடையார் கூட்டங்களும், ஒருபால்
சூழ்வன - (அம்மலையின்) ஒருபக்கத்தில் சூழா நிற்கும் எ - று.

     மா என்னு மடையை நிலமலர் கொடிமலர்கட்குங் கூட்டுக. நீர்
எடுத்துக் காட்டும் என்பதற்கு நீரில் விளங்கித் தோன்றிய என்னலுமாம்.
கரைந்த - கரைந்து கூறியவென்க; கரைதற்குக் காரணமான என்னலுமாம்.
மாதவர் - திருத்தொண்டர். (6)