(இ - ள்.) அடியனேன் முன்னம் செய்த அபராதம் இரண்டும்
தீரும்படி பொறுத்தருள்வாய் என்று - அடியேன் முன் செய்த குற்றமிரண்டும்
நீங்குமாறு பொறுத்தருள வேண்டுமென்று, பல முறை பரவித் தாழ்ந்து - பல
முறை துதித்து வணங்கி, மடிவு இலா மகிழ்ச்சி பொங்க - அழிவில்லாத
மகிழ்ச்சி மேலிட, சிறிது வரங்களும் வேண்டி - சில வரங்களையும் விரும்பிப்
பெற்று, கடியதன் நகரம் புக்கான் - காவலையுடைய தனது நகரத்திற்
புகுந்தான்; குடதிசைக் காவல் வேந்தன் - மேற்றிசைக் காவலனாகிய வருணன்.

     அபராதம் இரண்டு - மதுரையை யழிக்கக் கடலை யேவியதும்,
முகில்களை யேவியதும். வேண்டிப் பெற்று என விரிக்க. கடிய, குறிப்புப்
பெயரெச்சம். வேந்தன் என்பதனை மேல் 21-ஆம் செய்யுளிலுள்ள
நீர்க்கோன் என்பதனோடு கூட்டி, வேந்தனாகிய நீர்க்கோன் என்க, (25)

     (இ - ள்.) வன்திறல் வருணன் விட்ட மாரியை விலக்க - மிக்க
வலியினையுடைய வருணன் ஏவிய முகில்களைத் தடுக்கும் பொருட்டு, ஈசன்
மின்திகழ் சடையினின்று நீங்கிய மேகம் நான்கும் - இறைவனது மின்போல
விளங்கும் சடையினின்று நீங்கிய நான்கு முகில்களும், குன்றுபோல் நிவந்து
நான்கு கூடமாக் கூடலால் - மலைபோல உணர்ந்து நான்கு மாடமாகக்
கூடுதலால், மதுரை மூதூர் அன்று நான் மாடக் கூடல ஆனது -
மதுரையாகிய பழைய பதியானது அந்நாள் தொட்டு நான்மாடக் கூடல்
என்னும் பெயருடையதாயிற்று.

     வன்றிறல் : ஒருபொருட் பன்மொழி, ஆக வென்பது ஈறுதொக்கது.
அன்று தொட்டென்க. ஆல் : அசை. (26)

ஆகச் செய்யுள் 1332.