(இ - ள்.) ஓங்கு தண்பணை சூழ் நீப வனத்தை நீத்து - சிறந்த
தண்ணிய வயல்கள் சூழ்ந்த கடம்பவனத்தை விட்டு, ஒரு போதேனும்
நீங்குவம் அல்லேம் - ஒரு பொழுதாயினும் நீங்கியிருப்பேமல்லேம்; ஆயினும்
- ஆனாலும், நீயும் வேறு தீங்குளை அல்லை - நீயும் வேறு தீங்குடையை
அல்லை; காடன் செய்யுளை இகழ்தலால் - இடைக்காடன் செய்யுளை
அவமதித்தாயாதலால், ஆங்கு அவனிடத்து யாம் வைத்த அருளினால்
வந்தேம் என்னா - அப்பொழுதே அவன்கண் யாம் வைத்த அருளினால்
இங்கு வந்தேமென்று.

     நீங்குவமல்லேம் நீயும் தீங்குளையல்லை ஆயினும் இகழ்தலாலும்
அருளாலும் வந்தேம் என முடிக்க. கண்டாய், முன்னிலையசை; காடன்,
முன்மொழி கெட்டு நின்றது. ஆங்கு, அசையுமாம். இடத்தியாம்,
குற்றியலிகரம். (28)

     (இ - ள்.) பெண்ணினைப் பாகம் கொண்ட - உமையை ஒரு
பாகத்திற் கொண்ட, பெருந்தகைப் பரமயோகி - பெரிய தகுதியையுடைய
மேலான யோகியாகிய இறைவன், விண்ணிடை மொழிந்த மாற்றம் -
வானின்கண் அசரீரியாகக் கூறிய வார்த்தையை, மீனவன் கேட்டு -
பாண்டியன் கேட்டு, வானோர் புண்ணிய - தேவர்களின் புண்ணியனே,
எண்ணிய பெரியோர்க்கு - யாவராலும் நன்கு மதிக்கப்பெறும்
பெருமையுடையார்க்கு, சிறியோர் குற்றம் பொறுப்பது பெருமை அன்றோ
என்னா - சிறியோர்கள் செய்த குற்றத்தைப் பொறுத்தருளுவது
பெருமையல்லவா என்று, ஏத்தினான் இறைஞ்சினான் - துதித்து
வணங்கினான்.

     பெண்ணினைப் பாகங் கொண்ட பரமயோகி என்றது இறைவன்
உயிர்கட்குப் போகம் அருளுதற் பொருட்டு உமையை ஒரு கூற்றிற்
கொண்டானாயினும் தூய வுடம்பும் இயல்பாகவே பாசமின்மையும் உடையன்
என்றவாறு;

என்பது கருவூர்த்தேவர் திருவிசைப்பா. சிறியோர் குற்றம் பொறுப்பது
பெரியார்க்குப் பெருமை என்னும் கருத்தினை