தணமான வேத மறைப்பொருள் உணர்த்தும் - இரகசியமான வேதத்தின்
உட்பொருளைக் கூறியருளுவானாயினன்.

     இறைவி உலகமெலாம் ஈன்றும் கன்னியாதலை,

என்னும் சிவஞான சித்தியார்த் திருவிருத்தத்தாலறிக. மறை -
உபநிடதமுமாம். மாது, ஓ அசைகள். (2)

     (இ - ள்.) நாதன் இன்அருளால் கூறும் - இறைவன் இனிய
திருவருளினாற் கூறுகின்ற, நான்மறைப்பொருளை எல்லாம் - நால்வேதப்
பொருள்களையெல்லாம், யாதுகாரணத்தாலோ அறிகிலேம் - என்ன
காரணத்தினாலோ யாம் அறியேம்; எம்பிராட்டி - எமது இறைவி, காதரம்
அடைந்தாள்போல - அச்சமுற்றவள் போல, கவலையும் சிறிது தோன்ற -
சிறிது வருத்தமும் வெளிப்பட, ஆதரம் இலளாய்க்கேட்டாள் -
விருப்பமில்லாதவளாய்க் கேட்டனள்; அமலசோதி அஃது அறிந்து -
நின்மலனாகிய இறைவன் அதனை உணர்ந்து.

     அங்ஙனம் ஆர்வமின்றிக் கேட்குமியல்பினளல்லளென்பார்
'யாதுகாரணத்தாலோ அறிகிலேம்' என்றார்; இறைவன் பரதவர் வேந்தனுக்கு
அருள்புரியுங் குறிப்பினனாதல் ஓர்ந்து அதற்கேற்ப இங்ஙனம்
கேட்டாளென்று கொள்க. மன், அசை. (3)

      (இ - ள்.) அராமுகம் அனைய அல்குல் அணங்கினை நோக்கி -
பாம்பின் படம் போன்ற அல்குலையுடைய பிராட்டியைப் பார்த்து, இராமுகம்
அனைய உள்ளத்து ஏனை ஏழைமார் போல - இருள்போன்ற
உள்ளத்தினையுடைய ஏனை மகளிர் போன்று, எம்பால் வேதப்பயன் -
எம்மிடத்து வேதப்பொருளை, பராமுகையாகி ஒருப்படாது கேட்டாய் -
பராமுக முடையையாகி மனம் ஒருவழிப்படாது கேட்டனை; குராமுகை
அவிழ்ந்த கோதாய் - குராவின் அரும்பு விரிந்த மலர்