[கலிநிலைத்துறை]

சுருதி யின்புறத் தவர்விடு மராவினைச் சுருதி கருத ரும்பர னருளுடைக் கௌரியன் றுணித்த பரிசி தங்கது பொறாதமண் படிறர்பின் விடுப்ப வருபெ ரும்பசு விடையினான் மாய்த்ததும் பகர்வாம்.

     (இ - ள்.) சுருதியின் புறத்தவர் விடும் அராவினை - வேத நெறிக்குப்
புறம்பாகிய சமணர்கள் ஏவிய பாம்பினை, சுருதி கருது அரும் பரன் அருள்
உடைக் கௌரியன் - வேதமுஞ் சிந்தித்தற்கரிய இறைவனது திருவருளைப்
பெற்ற அனந்தகுண பாண்டியன், துணித்த பரிசு இது - துண்டு படுத்திய
திருவிளையாடல் இது; அங்கு அது பொறாது - (இனி) அங்கு அதனைப
பொறுக்காது, அமண் படிறர் - சமணராகிய வஞ்சகர், பின் விடுப்ப வரு
பெரும்பசு - பின்பு ஏவ வருகின்ற பெரிய (மாயப்) பசுவினை, விடையினால்
மாய்த்ததும் பகர்வாம் - (சோமசுந்தரக் கடவுள்) இடபத்தினால்
வதைத்தருளிய திருவிளையாடலையுங் கூறுவாம்.

     புறம் - மாறுபாடு. கௌரியன் துணித்ததும் இறைவன் புரிந்த
திருவிளையாடலேயென்பார் 'பரனரு ளுடைக் கௌரியயன் றுணித்த'
என்றார். விடையினான் என்பதனை இரட்டுற மொழிதலாகக் கொண்டு
இடபத்தையுடைய சோம சுந்தரக் கடவுள் என்றும், இடபத்தினால்
என்றும் உரைத்துக் கொள்க. (1)

     (இ - ள்.) பணம் பெரும்பகுவாய் உடை பாந்தளை - படம் பொருந்திய பெரிய பிளந்த வாயையுடைய பாம்பினை, அனந்த குணப் பெருந்தகை
துணித்தபின் - அனந்தகுணன் என்னும் பெரிய தகுதியையுடைய பாண்டியன்
துணித்த பின்பு, பின்வரு குண்டர் தணப்பு அரும் குழாம் - பின்னே வந்த
சமணர்களின் நீங்காத கூட்டங்கள், காலினால் தள்ளுண்டு செல்லும் -
காற்றினாற் றள்ளப்பட்டு ஓடும், பெரும்புயல் கணம்போல் - பெரிய
முகிற்படலம் போல, உடைந்து கலங்கி ஓடின - இரிந்து மனம் கலங்கி
ஓடுவவாயின.

     குண்டர் குழாங்கள் புயற்கணம் போல் கலங்கியோடின என்க. (2)