(இ - ள்.) அப்பதி இலிங்கம் எல்லாம் - (மகாமேரு முதலிய) -
அந்தத் திருப்பதிகளிலுள்ள இலிங்கங்கள் அனைத்தும், அருள் குறி இதனில்
- அருட்குறியாகிய இச்சிவலிங்கத்தினின்றும், பின்பு கபு விட்டு எழுந்த -
இது தோன்றியபின் கிளைத்துத் தோன்றின; இந்தக் காரணம் இரண்டினாலும்
- இந்த இரண்டு ஏதுக்களாலும், ஒப்பு அரிதான - ஒப்பில்லாத, ஞான ஒளி
திரண்டு அன்ன - ஞானவொளி திரண்டாற் போன்ற, இந்தத் திப்பிய
இலிங்கம் - இந்தத் திவ்விய இலிங்கமானது, மூல இலிங்கமாய்ச் சிறக்கும் -
மூல லிங்கமாகச் சிறந்து விளங்கும் எ - று.

     கப்பு : கவர்ப்பு என்பதன் மரூஉ. எழுந்த : அன் பெறாத பலவின்
பால் முற்று. மேற் செய்யுளிற் கூறியதனையுஞ் சேர்த்துக் காரணம்
இரண்டென்றார். திரண்டாலன்ன வென்பது விகாரமாயிற்று. மன்னும் ஓவும்
அசை. (3)

     (இ - ள்.) இந்தமா இலிங்கத்து - இந்தப் பெருமை பொருந்திய
இலிங்கத்தின்கண், எண் நான்கு இலக்கணம் - முப்பத்திரண்டு
இலக்கணங்களையுடைய, விச்சை மேனி - ஞானவடிவாகிய, அந்தம் இல்
அழகன் - முடிவில்லாத அழகினையுடைய இறைவன், பாகத்து உமையொடும்
- ஒரு பாகத்தில் உமை யம்மையோடும், அழகு செய்து - அழகினைச்
செய்து, சந்ததம் - எப்போதும், விளக்கம் செய்யும் - அருள் பாலிக்கின்ற,
தகைமையை நோக்கி - தன்மையைக் கண்டு, துறக்க வாணர் - தேவர்கள்,
சோமசுந்தரன் என்று நாமம் சாத்தினார் - சோமசுந்தரன் என்று பெயர்
கூறினார்கள் எ - று.

     புருடவுடம்பிலக்கணம் முப்பத்திரண்டென்பது கருதிக் கூறினார்.
விச்சை - ஞானம். விளக்கஞ் செய்தல் - அருளால் உலகை விளங்கச்
செய்தல். சோம சுந்தரன் - உமையுடன் கூடிய அழகினையுடையான்.
சாத்துதல் - சார்த்துதல். (4)

     (இ - ள்.) திறப்படும்- பலவகையாயுள்ள, உலகம் எங்கும் -
உலகங்களனைத்தும், வியாபியாய்ச் சிறந்து நிற்கும் - வியாபியாகச் சிறந்து
நிலைபெற்ற, அறப்பெருங் கடவுள் - அறவடிவாகிய பெரிய இறைவன்,
சோம சுந்தரன் - சோமசுந்தரக் கடவுளாம்; அதனால் அன்றோ -
அதனாலல்லவா, கறை - குருதிக் கறையையுடைய, கதிர் ஒளி - பொருந்திய,
வடி - கூர்மையான, வேல் - வேற்படையையுடைய, தென்னன். கையில் -

     (பா - ம்.) * சாற்றினார்.