கலியினை ஒட்டி, மண்காத்து வருகின்றான் - புவியினைப் பாதுகாத்து
வருகின்றான்.

     அவ்வியம் - தீமை; அழுக்காறுமாம். செவ்விய செங்கோல் - கோடாத
செங்கோல்; செங்கோல் என்பதனைப் பெயர் மாத்திரையாகக் கொள்ளலுமாம்.
வவ்விய என்பதனை நிகழ் காலமாகவுரைக்க; வெம்மை பொருந்திய
கலியென்றுமாம். (2)

     (இ - ள்.) சவுந்தர சாமந்தன் எனதானை காவலன் ஒருவன் - சுந்தர
சாமந்தன் என்று சேனாபதி ஒருவன் உள்ளான்; சிவந்த சடைமுடி அண்ணல்
அடியவரே - சிவந்த சடாமுடியையுடைய சிவபெருமான் அடியாரையே,
சிவமாகக் கவர்ந்து அருச்சித்து ஒழுகும் - அச் சிவபெருமானாக மனத்திற்
கொண்டு வழிபட்டொழுகும், கடப்பாட்டின் நெறி நின்றோன் - கடமை
நெறியில் நின்றவனாகிய அவன், உவந்து அரசற்கு இருமைக்கும் துணை ஆகி
ஒழுகுநாள் - விரும்பி மன்னனுக்கு இம்மைக்கும் மறுமைக்குந் துணையாக
நின்று ஒழுகு நாளில்.

     சாமந்தன் - படைத் தலைவன், சவுந்தர சாமந்தன் : சிறப்புப் பெயர்.
ஒருவன் உளன் எனவும், நின்றோனாகிய அவன் எனவும் விரிக்க. கவர்ந்து -
உளங் கொண்டு. அருச்சித்து ஒழுகும் என மாறுக. உவந்து துணையாகி என
இயையும். (3)

     (இ - ள்.) வல் வேடர்க்கு அதி பதியாய் வரு - வலிய வேடர்களுக்குத் தலைவனாயிருந்து வருகின்ற, சேதிராயன் எனும் வில் வேடன் ஒருவன் -
சேதிராயன் என்னும் வில்லையுடைய வேடன் ஒருவன் உளன்; அவன் விறல்
வலியால் மேலிட்டு - அவன் வெற்றியின் வலியினால் மேம்பட்டு, பல் வேறு
பரிமான் தேர்ப் பஞ்சவன் மேல் - பல வேறு வகைப்பட்ட குதிரைகளையும்
தேர்களையுமுடைய பாண்டியன் மேல், படை எடுத்துச் செல்வேன் என்று உற
வலித்தான் - படையெடுத்துப் போருக்குச் செல்லுவேன் என்று உறுதியாகக்
கருதினான்; தென்னர் பிரான் அஃது அறிந்தான் - பாண்டியர் தலைவனாகிய
குலபூடணன் அதனை அறிந்தான்.

     சேதிராயன் - சேதி நாட்டுக்கு அரையன். சேதிநாடு - திருமுனைப்
பாடிநாடு :