முன்னவன் - எல்லாத் தேவர்களுக்கும் முன்னவனாகிய, சமட்டி
விச்சாபுரம் உறை முதல்வன் தன்னை - சமட்டி விச்சாபுரமென்னும்
மதுரைப்பதியில் எழுந்தருளியுள்ள முதல்வனாகிய சோமசுந்தரக் கடவுளை,
சொன்ன இக்காலந்தோறும் - மேற் கூறிய இக்காலங்கள் தோறும்,
இறைஞ்சியும் - நிலத்திற் றாழ்ந்து வணங்கியும், தொழுதும் - கைகூப்பிக்
கும்பிட்டும், சூழ்ந்தும் - வலம் வந்தும், பொன் அடிக்கு - அழகிய
திருவடிகளுக்கு, அன்பர் ஆகி வழிபடும் புனித சீலர் - அன்பினை
யுடையாராகி வழிபாடு செய்கின்ற தூய ஒழுக்கத்தையுடையார் எ - று.

     சமட்டி விச்சாபுரம் என்பதனைத் தலவிசேடத்துட் காண்க. புனித
சீலர் என்பது வரும்பாட்டில் வாழ்வார் என்பதனோடு முடியும். (19)

     (இ - ள்.) உம்மையில் - முற்பிறப்புக்களிற் செய்த, வினைகள்
என்னும் பிணி - வினைகளாகிய கட்டானது, அவிழ்ந்து ஒருவி - அவிழ்ந்து
நீங்கப் பெற்று, தூய செம்மையர் ஆகி - தூய வாய்மையை யுடையவராய்,
ஆனாத் திருவொடு - நீங்காத அருட் செல்வத்தோடு, செல்வம் ஓங்க -
ஏனைச் செல்வங்களும் மிக, வெம்மைஇல் போகம் மூழ்கி - தட்பமாகிய
போகத்தில் அழுந்தி நுகர்ந்து, மல இருள் வீக்கம் நீந்தி - ஆணவ
இருளாகிய பெருக்கினைக் கடந்து, மை மலி கண்டத்து எங்கோன் -
கருமை மிகுந்த திருமிடற்றையுடைய எம் இறைவனுடைய மலர் அடி நீழல்
வாழ்வார் - மலர்போன்ற திருவடி நீழலை யடைந்து வாழ்வார்கள் எ - று.

     அவிழ்ந்து என்றமையால் பிணி என்பதற்குக் கட்டு என்றும், நீந்தி
என்றமையால் வீக்கம் என்பதற்கு பெருக்கு என்றும் பொருள் கூறப்பட்டன.
செம்மை - நடுவுநிலைமை, வாய்மை. மலமாகிய இருள் வீக்கம் என்றும்,
இருளினது வீக்கம் என்றும் விரித்தலுமாம். (20)

      (இ - ள்.) அற உருவன் ஆலவாயான் - தரும வடிவினனாகிய
திருவாலவாய்க் கடவுளின், நாமம் செவிமடுத்தால் - பெயரைச் செவியிற்